Не го преоблекувајте: Ако вам ви е жешко во маица со долги ракави, и на бебето ќе му биде

Од страв дека бебето ќе настине, многу мајки ги преоблекуваат своите деца за време на топлите денови, однoсно не ги облекуваат во склад со временските услови.

Голи ноџиња и шеширче на главата

Поведете сметка како го облекувате бебето во овој период, бидејќи ако вам ви е жешко во маица со долги ракави – и на детето ќе му биде. Не плашете се дека ќе заработи пневмонија ако го разголите.

Студените раце или нозе на бебето не се знак дека му е ладно. А дали му е претопло, ќе дознаете ако ги проверувате вратот, главата, пазувите – потењето е сигурен знак дека му е жешко.

Климатизирана просторија ќе му одговара на вашето бебе, исто како и на вас, но проверете дали температурата на воздухот во затворените простории не е помала од 20 степени. Ако живеете во куќа и често го менувате местото на престој (малку внатре, малку надвор), температурата на воздухот во затворените простории треба да биде само 3-4 степени пониска од онаа надвор. Исто така, не дозволувајте разладните тела да дуваат директно на бебето, туку сместете го што е можно подалеку од изворот на ладење

Ослободете се од непотребната облека и спречете ги несаканите последици. Ситни црвени точки на телото на бебето, најчесто на наборите под пазувите, вратот и тилот, се сигурен знак дека му е топло. Затоа, редовно освежувајте го бебето со замивање и капење, избегнувајте мрсни креми и талк затоа што ги затвораат порите, спречувајќи кожата да дише.

Летна облека

Што се однесува до летната облека, водете сметка да биде лесна, во светли бои, направена од материјали што добро ја апсорбираат потта (памучните материјали се најдобри, додека синтетиката треба да се избегнува). Ако вашето бебе е изложено на сонце за време на прошетка, не заборавајте да му ставите шеширче или капа, што ќе го заштити, но нема да го прегрее. Избегнувајте кенгур-носилки направени од подебел материјал, бидејќи тие брзо се прегреваат поради топлината на вашето тело и високата надворешна температура.

Климатизирана просторија ќе му одговара на вашето бебе, исто како и на вас, но проверете дали температурата на воздухот во затворените простории не е помала од 20 степени. Ако живеете во куќа и често го менувате местото на престој (малку внатре, малку надвор), температурата на воздухот во затворените простории треба да биде само 3-4 степени пониска од онаа надвор. Исто така, не дозволувајте разладните тела да дуваат директно на бебето, туку сместете го што е можно подалеку од изворот на ладење.