Експертите велат дека луѓето кои не се вакцинирани треба да продолжат да носат маски и по укинувањето на мерката за носење маски. Тие исто така треба да продолжат да одржуваат растојание на собири во затворени простории.
- Оние кои не се вакцинирани можат полесно да се заразат со коронавирусот и полесно да го шират. Затоа треба да продолжат да бидат претпазливи
Во САД веќе започнаа со укинување на задолжителната мерка за носење маски за вакцинираните со две дози, но тоа не значи дека маските треба да ги отфрлат сите. Оние кои не се вакцинирани, сè уште треба да ги носат, особено децата бидејќи вакцините сè уште не се одобрени за лица на возраст помлади 12 години.
Вирусот ќе престане да циркулира само кога доволно луѓе ќе се вакцинираат и кога доволно ќе развијат антитела
„Ако ризикот продолжи да постои, како што постои сега, луѓето кои не се вакцинирани, сè уште треба да носат маски на сите места каде што потенцијално би можеле да се заразат“, рече д-р Мајкл Минт, специјалист за инфективни болести.
Најголемите ризици сè уште се во малите затворени простори каде што луѓето се собираат. Особено треба да се внимава кога ќе се соберат луѓе од неколку различни домаќинства. Минт исто така посочува дека ризикот од инфекција за оние кои не биле вакцинирани постои сè додека коронавирусот циркулира во популацијата. Вирусот ќе престане да циркулира само кога доволно луѓе ќе се вакцинираат и кога доволно од нив ќе развијат антитела, пишува „Healthline“.
