Според податоците на Светската здравствена организација (СЗО), недостатокот на јод претставува главна причина за оштетување на мозокот во детството, предизвикувајќи нарушувања во когнитивниот и моторниот развој. Ова особено ги погодува децата чии мајки за време на бременоста не внесувале доволни количини од овој важен микронутриент.
Недостатокот на јод кај бремените жени може да доведе до сериозни проблеми во развојот на детето – послабо разбирање, тешкотии при читање, отежната концентрација и намалена способност за помнење. Јодот е клучен нутриент за развојот на фетусот, особено за формирање на нервниот систем.
Недостатокот на јод претставува главна причина за оштетување на мозокот во детството, предизвикувајќи нарушувања во когнитивниот и моторниот развој. Ова особено ги погодува децата чии мајки за време на бременоста не внесувале доволни количини од овој важен микронутриент
Недостатокот на јод негативно влијае и кај возрасните – може да предизвика проблеми со концентрацијата, помнењето и промени во расположението. Ниското нивo на тироидните хормони (Т3 и Т4), кое се поврзува со недоволен внес на јод, негативно влијае на нивото на невротрансмитерите серотонин и допамин – супстанции кои се одговорни за когнитивните функции, енергијата и емоционалната стабилност.
Недостатокот на јод кај бремените жени може да доведе до сериозни проблеми во развојот на детето – послабо разбирање, тешкотии при читање, отежната концентрација и намалена способност за помнење
Ризик за речиси две милијарди луѓе
Глобалната проценка на СЗО покажува дека дури 1,88 милијарди луѓе, меѓу кои и 241 милион деца на училишна возраст, имаат недоволен внес на јод преку исхраната. Овој проблем подеднакво ги засега и развиените земји и земјите во развој, според истражувањето објавено во Journal of Nutrition.
Како да се обезбеди доволен внес на јод?
СЗО препорачува возрасна личност да внесува околу 150 микрограми јод дневно, додека за бремени жени препорачаната количина е 250 микрограми дневно.
Бидејќи човечкиот организам не може сам да произведува јод, неопходно е секојдневно да се внесува преку храна. Најбогати извори на јод се намирниците од морско потекло, особено бакаларот, лососот, морските алги, ракчињата и школките. Во многу земји, јодираната сол се користи како ефикасен начин за превенција на недостатокот на јод.
