За време на бременоста, телото на жената, пред се, под влијание на хормоните, минува низ одредени промени кои се вообичаени за повеќето трудници. Но, има и појави за кои не се зборува толку често, а кои се јавуваат речиси кај секоја втора бремена жена.
- Црвени дланки и стапала кои чешаат
За време на бременоста кожата се растегнува и тоа не само на стомакот. Зголемениот проток на крв во кожата и повисокото ниво на естроген се најверојатната причина за појава на црвени дланки и чешање на кожата. Ова не е симптом кој треба да ве загрижува, но ако состојбата се влоши, потребно е да го консултирате својот гинеколог.
- Лачење повеќе плунка
Многу жени во текот на првото тромесечје се жалат дека во устата им се собира огромна количина на плунка. Толку многу, што понекогаш им пречи и во разговор. Овој проблем често е поврзан со утринските мачнини, па добра вест е дека треба да исчезне веќе во второто тромесечје.
- Крварење од носот или од непцата
Промената на нивото на хормоните може да влијае и на зголемување на дотокот на крв во ноздрите или пак да направи непцата да станат почувствителни од претходно. Овие симптоми се најизразени во второто тромесечје.
- Промена на косата и ноктите
Повисокот ниво на естроген и зголемената циркулација обезбедуваат дополнителни хранливи материи за косата и за ноктите.
