Родителите понекогаш се многу загрижени, но необичните работи кај новороденчето се главно сосема нормални и не се причина за паника. Како што објаснуваат педијатрите, понекогаш бебето прави нешто што на прв поглед може да изгледа необично или опасно за неговите родители, но всушност во повеќето случаи тоа е нормална работа и поминува само по себе. Еве за што се работи.
Црна или зелена столица
Првата столица на бебето е обично црна и се нарекува мекониум. Иако многу мајки во породилиштето се плашат кога ќе видат црна боја на столица, тоа е сосема нормална појава која исчезнува по неколку дена.
Исто така, понекогаш се појавува и зелена столица, што исто така не е причина за загриженост. Имено, таа се појавува поради некоја намирница во исхраната на мајката, која може да резултира токму со зелена столица. Зелената столица може да биде предизвикана и од лекови како што се антибиотици или додатоци на железо што ги зема мајката, кои влијаат на апсорпцијата на хранливите материи во цревата.
Мозолчињата не се само за тинејџери, тие можат да се појават и кај бебиња, најчесто на возраст од две до три недели. Најчесто се појавуваат на образите и носот на бебето, но можат да се појават и на челото, брадата, темето, вратот, грбот или градите. Неонаталните мозолчиња генерално не се причина за грижа и обично исчезнуваат сами по себе за неколку недели или месеци
Икање
Икањето кај бебињата често може да се чувствува за време на бременоста и може да продолжи и по раѓањето. Веројатно ќе се појави после хранење и понекогаш може да потрае подолго, поради што некои родители се загрижуваат. Сепак, педијатрите објаснуваат дека икањето е предизвикано од спазам на дијафрагмата и е сосема нормална појава кај бебињата. Исто така, со тек на време бебињата ќе го надрастат честото икање.
Кивање
Новороденчињата се склони и кон често кивање, поради што родителите погрешно мислат дека причината е болест или алергија. Имено, во повеќето случаи оваа појава е сосема безопасна и поминува како што расте детето. Како што објаснуваат педијатрите, новороденчињата имаат мали ноздри, па сите мали честички прашина, акумулации на слуз или заостаната плодова вода од породувањето може да бидат доволни за да предизвикаат кивање.
Мозолчиња
Мозолчињата не се само за тинејџери, тие можат да се појават и кај бебиња, најчесто на возраст од две до три недели. Најчесто се појавуваат на образите и носот на бебето, но можат да се појават и на челото, брадата, темето, вратот, грбот или градите. Неонаталните мозолчиња генерално не се причина за грижа и обично исчезнуваат сами по себе за неколку недели или месеци.
Страбизам
Иако многу родители се загрижени поради ова, бебињата најчесто имаат „искривени“ очи во првите неколку месеци од животот и тоа не е причина за посебна грижа, објаснуваат педијатрите. Имено, тие тврдат дека е нормално бебињата да имаат страбизам во првите месеци од животот, а оваа појава воглавно исчезнува до крајот на првата година. Во случај да потрае подолго, потребно е да се направи очен преглед.
