Директорката на Институтот за онкологија и радиологија во Србија, д-р Даница Грујичиќ, утрово нагласи дека здравствената состојба на заразените со коронавирус е апсолутно непредвидлива и дека тоа е најголемата опасност што ја носи болеста COVID-19.
„Дефинитивно болеста постои и е многу опасна. Како клиничар, знам и претчувствувам кога состојбата на пациентот ќе се влоши. Станува збор за 40 годишно искуство, но овде е апсолутно непредвидливо кој ќе биде живото-загрозен или кој ќе помине со симптоми какви што имав јас. Сите луѓе кои се хоспитализирани се живото-загрозени, сите 9.300. Имате луѓе кои тераат сосема добро, а потоа одеднаш се живото-загрозени“, изјави д-р Грујичиќ во утринската програма на ТВ „Пинк“.
Д-р Грујичиќ нагласува дека понекогаш пациентите од добро здравје до смрт ги делат неколку часови.
„Изгубивме жена која требаше да оди дома. Некому му попушта срцето, некому белите дробови, но буквално секој кој лежи, барем една недела треба да слуша што му рекол докторот. Вие денеска зборувате со човекот, за пет минути тој е… Тоа е она што ме излудува и навистина мислам дека станува збор за имунитетот“, додава докторката.
