Дали сте знаеле дека папочната врвца има три крвни садови? Две артерии и една вена. Многу луѓе мислат дека папочната врвца е само „цевка“ што пренесува хранливи материи на нивното бебе. Сепак, од фотографијата што ја сподели Кејла Хедфилд, која работи како дула (личност која и дава емотивна, физичка и психолошка поддршка и помош на родилката за време на породувањето) на нејзината страница Intricately Woven Birth Services, јасно може да се види дека папочната врвца е многу покомплексна од тоа!
Вената носи оксигенирана крв богата со хранливи материи до фетусот, и двете артерии преку кои тече деоксигенирана крв и отпадни материи (како што е јаглерод диоксид) и крв осиромашена со хранливи материи низ плацентата. По породувањето, овие вени се затвораат сами по себе. Артериите се затвораат први поради нивните мускулни sидови. Папочната вена ги следи, дозволувајќи и на оксигенираната крв да се врати кај вашето бебе.
На самото раѓањето, плацентата содржи една третина од волуменот на крвта на вашето бебе. Со одложување на сечењето на папочната врвца на неколку минути дозволувате крвта преку папочната вена да се пренесе кај вашето бебе – каде што и припаѓа.
