Раѓањето на дете само по себе е чудо кое не може до крај да се сфати. И по породувањето во првите месеци се случуваат многу чуда кои би можеле да ве изненадат.
Ова се неколку интересни факти за телото на вашето новороденче.
Термин на раѓање – Малку е познато, дека само 4% од бебињата се раѓаат во предвидениот термин.
4. тромесечие – За да можеме да одржуваме исправена положба и да одиме, карлицата на човекот е помала од останатите примати. Тоа е една од причините зошто бебињата се раѓаат по 9 месеци, односно пред да се целосно развиени додека се уште можат да поминат низ карлицата на мајката. Затоа првите три месеци од животот на детето лекарите често го споменуваат како “4. тромесечие од бременоста“.
Неверојатно – Количината на крв во телото на новороденче, одговара на околу една шолја.
Сила – Стисокот на шаката на бебето е толку цврст и силен, да детето може да виси слободно и да ја носи тежината на своето тело држејќи се со рацете.
Нема колена – Бебињата немаат вистински колена кога ќе се родат. Нивните колена се состојат исклучиво од рскавица која не се гледа на рентгенска снимка. Дури по шест месеци од животот, коскените структури полека се формираат.
Рекорден раст – Кога детето секоја година би растело како што расте во првата година, за својот 18. роденден би било високо 5 метри.
Мултитаскинг – За околу 7 месеци од животот, бебињата можат истовремено да цицаат, односно да голтаат и дишат.
Светло во темнината – Детскиот мозок може да се спореди со фенер: во одредена мера ги перцепира сите работи во своето окружување. Мозокот на возрасните од друга страна, делува повеќе како џебна лампа: вниманието е фокусирано на одредена работа или активност, а позадината е во темнина.
Големо стапало – Со 12 месеци, стапалото на вашето дете е со половина големина која ќе ја има кога целосно ќе порасне.
Прв заб – Додека повеќето бебиња првите неколку заби ќе ги извадат помеѓу 5. и 8. месец, кај 1 од 2000 случаи, бебиња се раѓаат со заби.
