Д-р Татјана Немет Блажиќ, епидемиолог во Хрватскиот институт за јавно здравје (ХЗЈЗ), го објаснува феноменот кој се нарекува „неуспех на вакцинација“.
„Ниту една вакцина не може да обезбеди 100% заштита. Забележавме одреден број на т.н. „неуспеси на вакцинација“, се бележи како феномен и се следи овој настан. Засега е се уште во помал процент. Меѓутоа, се случува. Луѓето понекогаш се разболуваат по првата доза бидејќи антителата сè уште не стигнале да се развијат, потребни се околу три недели за да се постигне одредено ниво на заштита“, вели Немет Блажиќ и додава:
„По првата доза, тоа е значаен процент на заштита, но не како што треба да биде по втората доза. Исто така, забележавме и појава на инфекција по две дози. За жал, тоа е можно, очекувано и се надеваме дека нема да се појавува во поголем процент “.
Некои луѓе се разболуваат затоа што не е постигната целосна заштита бидејќи не е довршена вакцинацијата во две дози, која е неопходна за да се постигне оваа целосна заштита
Докторката додаде дека засега се работи за спорадични случаи, а појасни и каква е клиничката слика на ваквите пациенти.
„Од досегашните случаи, воглавно тоа беа случаи со лесна клиничка слика, а имаше и неколку случаи кои бараа болничко лекување. Меѓутоа, засега тоа е сè уште во мал процент. Некои луѓе се разболуваат затоа што не е постигната целосна заштита бидејќи не е довршена вакцинацијата во две дози, која е неопходна за да се постигне оваа целосна заштита“, додаде Немет Блажиќ, а пренесува „Н1“.
