Ако веќе познавате некого што слави роденден во ноември, сигурно сте забележале колку е тој човек необичен и секогаш свој. Во крајна линија, и претпоследниот месец од годината е малку таинствен, променлив, па затоа не изненадува што тоа се одразува и во карактерот на многумина. Во продолжение дознајте што велат истражувањата за бебињата родени во ноември.
Имаат добри физички предиспозиции
Децата родени во ноември имаат тенденција да бидат поголеми и покрупни, како при раѓањето, така и во детството. Науката вели дека причината може да се крие во тоа што идните мајки во последните месеци од бременоста биле повеќе изложени на сонце и на витамин Д, што придонело за посилни коски и мускули.
Поголема е веројатноста момчињата да бидат левораки
Едно истражување објавено во списанието Cortex покажало дека мажите родени во периодот од ноември до јануари почесто се левораки во споредба со оние родени во други месеци. Науката сè уште нема конкретно објаснување за ова, но се претпоставува дека тоа може да е поврзано со поголемото количество сончева светлина при крајот на бременоста, што потенцијално влијае на зголемување на нивото на тестостерон и јакнење на левата страна на телото, односно левата рака.
Имаат помала веројатност за кардиоваскуларни заболувања
Journal of the American Medical Informatics Association објави резултати од истражување спроведено на Универзитетот Колумбија, според кои децата родени во ноември во подоцнежните години имаат помали шанси да заболат од автоимуни болести, рак на белите дробови или срцеви заболувања. Сепак, нивните горни дишни патишта се нешто послаби.
Интуитивни и упорни
Луѓето родени во ноември често имаат изразена интуиција и способност длабоко да ги чувствуваат работите околу себе. Знаат да бидат упорни и истрајни во сè што прават, без разлика на препреките. Не се откажуваат лесно и токму затоа често успеваат таму каде што другите би застанале.
Имаат мистериозен шарм
И мажите и жените родени во овој месец зрачат со некаква мистерија – тешко е да ги „прочитате“ целосно, а токму тоа ги прави уште поинтересни. Често се луѓе со длабоки мисли, кои не зборуваат многу, но кога ќе го сторат тоа, нивните зборови имаат тежина.
Децата родени во ноември имаат тенденција да бидат поголеми и покрупни, како при раѓањето, така и во детството. Науката вели дека причината може да се крие во тоа што идните мајки во последните месеци од бременоста биле повеќе изложени на сонце и на витамин Д, што придонело за посилни коски и мускули
Верни пријатели и силни личности
Бебињата родени во ноември, кога ќе пораснат, често стануваат луѓе на кои може да им се верува. Знаат да чуваат тајни, стојат зад своите зборови и ги поддржуваат оние што ги сакаат. Иако понекогаш делуваат резервирано, во нив се крие топло и големо срце.
Многу славни личности слават роденден во ноември
Леонардо ди Каприо, Скарлет Јохансон, Мартин Скорсезе, Џоди Фостер, Рајан Гослинг… Ако сте родени во ноември, тогаш имате среќа што го делите роденденското славје со овие познати и успешни личности, за кои јавноста има многу високо мислење.
Омилени во друштвото
За Скорпиите и Стрелците важи дека се многу омилени во друштвото. Се вели дека Скорпиите се лојални, харизматични и амбициозни, додека Стрелците се познати по својата љубопитност, оптимизам и склоност кон авантури.
