Немојте да ги сечете ноктите со грицкалка или ножички кои ги користат возрасните членови на смејството. На почетокот може да користите турпија за бебиња и така да ги одржувате рамни. Кога ноктие ќе пораснат, сепак може да почнете да користите ножички. Препорачливо е да се купат посебни ножички за деца, кои имаат заоблени врвови, па така ја намалуваат можноста за повреда во случај детето да се мрдне. Единствена потешкотија на која ќе наидете е како да постигнете детето да биде мирно додека му ги сечете ноктите.
Некои родителии полесно ја завршуваат задачата со помош на партнерот: едниот го држи детето да не се мрда, додека другиот ги сече ноктите. Можете да му го одвлечете вниманието со сликовница, играчка или песничка. Некои велат дека им е најзгодно да ги сечат ноктите додека детето спие, но мора да има цврст сон за да не го разбудите.
Како да ги сечете ноктите на рацете, а како на нозете?
Кога ги сечете ноктите на нозете на детето, сечете ги во рамна линија без фаќање на рабовите. Ако страните премногу се исечат, може да дојде до појава на заноктици, кои нималку не се пријатни за бебето. Запомнете дека ноктите на нозете растат побавно и доволно е да се сечат еднаш до два пати во месецот.
Кога ги сечете ноктите на рацете, стиснете ги врвовите на прстињата нагоре, за случајно да не исечете кожа. Потоа сечете дел по дел: од левиот агол рамно до десниот агол на ноктот. Со турпија може да ги поправите неправилностите.
