Училиштата во Њујорк планираат да ја забранат употребата на мобилни телефони поради загриженоста за менталното здравје на децата. Најголемиот американски училишен систем го објави овој потег во средата по детална консултација со медицинските професионалци.
Забраната е значително отстапување од постојните правила кои им овозможуваат на наставниците поединечно да поставуваат своја политика за користење на мобилни телефони на училиште
„Нашите деца се целосно зависни од овие телефони, мораме да направиме нешто околу тоа“, рече Дејвид Бенкс, канцелар на училиштата во Њујорк, во интервју за телевизијата NY1.
Тој рече дека новите правила, кои целосно ќе бидат објавени следниот месец, ќе влијаат на околу 915.000 ученици.
Во обид да ги олесни стравувањата дека родителите нема да можат да контактираат со своите деца, г-дин Бенкс рече дека новите правила ќе дозволат уреди на училишните терени, но нивната употреба нема да биде дозволена за време на училишните часови.
„Сакаме да можете да го носите вашиот телефон на училиште бидејќи во моментот кога ќе заврши наставата, треба да бидете во комуникација со вашето семејство“, рече тој.
Забраната е значително отстапување од постојните правила кои им овозможуваат на наставниците поединечно да поставуваат своја политика за користење на мобилни телефони. Како резултат на тоа, њујоршките училишта користеа различни пристапи – некои ги собираа телефоните на почетокот на денот, други им наложуваа на учениците да ги стават своите уреди во торбички што се заклучуваат, пишува „Телеграф“.
