Во последните 20 години се зголемува бројот на деца алергични на кикирики. Се повеќе лекари се занимаваат со оваа проблематика, која погодува едно од 13 деца. Д-р Мајкл Пистинер споделува неколку важни информации за алергијата на кикиритки.
Децата кои не јадат кикирики имаат поголем ризик да развијат алергија
Одложувањето на воведувањето на алергени во исхраната на детето резултира со поголем ризик од развој на алергии, тврдат сите понови истражувања, па насоките на водечките здравствени организации се прилагодуваат кон тоа. Се препорачува кикириките рано да се воведуваат во дохраната на детето, со следење на реакциите, бидејќи раната изложеност го намалува ризикот од развој на алергија која може да биде фатална.
Атопичниот дерматитис влијае на алергија
Здравата кожа има посилна бариера која спречува навлегување на честичките од кикирики. Децата кои се борат со сува кожа, чешање или им е дијагностициран атопичен дерматитис се повеќе склони и кон други алергии поради постојаните воспаленија.
Умереноста е клучна
Се препорачува детето рано да почне со консумирање на кикирики, но не повеќе од три пати неделно до петтата година од животот. Децата најчесто ги консумираат во форма на путер, било на на леб, со овошје или во каша. Со парчиња кикирики, почекајте детето да го совлада т.н. пинцета зафат (јадење со прсти) и џвакањето храна, а сите јаткасти плодови се ризични за деца под 4-годишна возраст, бидејќи тие се потенцијална опасност од гушење.
Децата главно не ја надраснуваат алергијата на кикирики
Околу 80% од децата кои имаат алергија на кикирики, како и 90% од децата кои имаат алергија на јаткасти плодови, ја имаат оваа состојба во текот на целиот живот. Интересно е што децата алергични на млеко и јајца ги надминуваат алергиите во 80% од случаите.
Исхраната на бремена жена не влијае на развојот на алергии
Не постојат научни докази дека консумирањето на високоалергенска храна за време на бременоста го спречува развојот на алергии кај бебето. Бремените жени можат без страв да јадат кикиритки и јаткасти плодови за време на бременоста.
