Шест недели по породувањето е период во кој жената се опоравува од бременоста и доживува различни промени. Крварење, доење, болки и многу емотивни промени. Ова се пет одговори на прашања кои најмноги ги мачат новите мајките.
Колку долго ќе крварам?
Вагиналното крварење може да трае и до шест недели по породувањето, но кај повеќето жени престанува порано. Првите неколку дена по породувањето, крвта ќе биде светло црвена и ќе изгледа како при менструален циклус. Може да почувствувате и поголеми згрутчувања кои ќе се појават кога ќе се помрднете од седечка или лежечка положба, што е нормално, иако треба да внимавате што се случува во овој период. Но, ако вашата влоша комплетно се полни од почетокот до крајот за помалку од еден час, важно е да појдете на лекар. Од осум до 10 дена по породувањето, исцедокот полека ќе станува од розов во жолто-бела боја.
Ако се случи тој повторно да стане црвен и многу густ, вашето тело може да ви порачува дека сте претерале и дека треба да одморате. Крварење кое е силно и во црвена боја, подолго од една недела е невообичаено и задолжително побарајте совет од лекар.
Дали згрутчувањата во текот на крварењето се нормални?
Повремени “мали“ згрутчувања се сосема нормално, под поимот мали се мисли на згрутчувања во големина од мала монета. Тие се со темно црвена боја и во желатинска форма. Кога ќе се појави, внимајавте што пото а се случува со вашето тело и какво е крварењето. Ако е силно и во рок од еден час ви се натопи цела влошка, веднаш обарете се на лекар. Иако ретко се случува, но дел од постелката може да остане во матката и по породувањето.
Дали можам да пијам лекови против болки?
По вагинално породување, може да имате три вида болка: од раната, (лацерации и епизиотомии), нормална болка од породувањето и од хемороиди. Некои рани се многу мали и нема да ги чувствувате освен што ќе предизвикаат непријатност. За поголеми рани и од епизиотомија ќе биде потребно подолго време за целосно закрепнување. Можеби ќе ви требаат лекови против болки во првите неколку дена. Повеќето од овие лекови не пречат при доењето, а може да се консултирате со лекар или фармацевт.
Може да почувствувате грчеви во матката, и тоа е сосема нормално бидејќи по породувањето матката се враќа во првобитната состојба. Грчевите се најсилни неколку дена по породувањето, но потоа тие почнуваат да стивнуваат секој ден. Кога доите, се ослободува хормон кој исто така предизвикува грчеви во матката. Иако ова чувство може да е непријатно, тоа ви помага да го одржувате крварењето под контрола.
Хемороидите можат да се појават за време на бременоста и во периодот по породувањетп. Топлите купки во када може да бидат смирувачки, а разни креми можат да ја намалат болката и да ги намалат хемороидите. Ако имате големи проблеми консултирајте се со вашиот лекар.
Кога може повторно да имам сексуален однос?
После породувањето и навикнувањето на малото бебе во вашата прегратка, сексуалниот однос сигурно не е на вашата приоритетна листа. Сепак, добро е да знаете кога вашето тело е подготвено да се врати. Општата препорака е да почекате шест недели пред таквиот однос бидејќи телото е сè уште многу чувствително. Постои поголем ризик од развој на инфекции. Вашата матка мора да заздрави таму каде што била прикачена плацентата. Овој дел е особено чувствителен за време на сексуален однос поради бактерии. И, потребно е време за заздравување раните и шиените делови и тој дел од телото да се опушти.
Зошто се чувствувам толку емотивно?
Жените се чувствуваат на овој начин по раѓањето на детето. Понекогаш тоа се емоциите што ги очекувавте: љубов, среќа, еуфорија. Сепак, понекогаш може да се појават чувства што не сте ги очекувале. Многу жени чувствуваат рамнодушност, незадоволство или разочарување од породувањето. Некои се плашат да признаат дека немаат посебни чувства кон своето дете. Да се роди бебе е неверојатно искуство, но нема вистински одговор на тоа што точно треба да се чувствувате. Таквото размислување може само да ве повлече во негативни чувства. Ако не се чувствувате поврзани со вашето бебе, оставете времето да ви помогне. Одвојте време што ви треба за да ја вратите својата сила и грижите се за себе и за вашето дете. Грижата за новороденче не е лесна. Со недостаток на сон, овој период во животот на жената е погоден за чувство на вознемиреност и депресија.
