COVID-19 е заразна болест што е потврдена кај повеќе од 30 милиони луѓе ширум светот. Иако многумина од нас ги знаат напамет првите симптоми на оваа многу заразна болест, постојат знаци кои би можеле и порано да ве предупредат дека сте заразени.
Според британското Здружение на дерматолози, кое ги анализирало пријавените симптоми преку апликацијата „Covid Symptom Study“ – сувите, болни и испукани усни може да бидат еден од најраните знаци.
Оралните знаци на коронавирус сочинуваат само дел од можните симптоми кои се појавуваат на кожата.
„За време на пандемијата на коронавирус, стана јасно дека покрај главните симптоми на треска и кашлица, симптомите можат да се развијат и на кожата. Извештаите од Кина, па потоа и од Европа покажаа дека SARS-CoV-2 во 20 проценти од случаите покажува симптоми на кожата, бидејќи вирусот предизвикува многу имунолошки реакции, па затоа не е ни чудо што и кожата е вклучена во приказната. Така можете да почувствувате болни усни, кои се сушат и се лупат. Може да се појави и болка во устата“ – се наведува во соопштението на дерматолозите.
Сепак, само затоа што усните ви се суви, не мора да значи дека имате коронавирус, особено во овој период од годината.
Меѓутоа, ако усните се различни од вообичаеното во овој период од годината, препорачливо е да се изолирате и да се тестирате пред да се појават очигледни симптоми.
