Европска студија откри зголемен ризик од згрутчувања на крвта опасни по живот, познати како венски тромбоемболизам (ВТЕ) кај пациенти кои не биле критично болни со коронавирусна болест.
- Ризикот од згрутчување на крвта претходно се поврзуваше со тежок Ковид-19
Истражувачите следеле 2.292 пациенти со благи или умерени симптоми на Ковид-19, но без ВТЕ. Четири недели подоцна, ВТЕ се развил кај приближно 1 на секои 200 полесно болни пациенти, кои не биле хоспитализирани и скоро 5 на секои 200 умерено болни пациенти, објавија истражувачите во „Thrombosis Research“.
Тие заклучија дека лекарите кои се грижат за благо и умерено болни пациенти со Ковид-19 мора да бидат свесни за овие ризици, „особено кај пациенти со умерен Ковид-19 кои бараат хоспитализација“.
Лекарите кои се грижат за благо и умерено болни пациенти со Ковид-19 мора да бидат свесни за овие ризици, „особено кај пациенти со умерен Ковид-19 кои бараат хоспитализација“
Американските истражувачи, пак, открија дека кај хоспитализирани, умерено болни пациенти со Ковид-19, кои имаат високо ниво на д-димер во крвта, што укажува на поголем ризик од развој на опасни згрутчувања на крвта од просекот, третманот со високи дози на нискомолекуларен хепарин (LMWH) значително ги намалува шансите за формирање на крвни згрутчувања и смрт, според податоците од клиничките испитувања.
Инциденцата на венски тромбоемболизам (ВТЕ) или смрт била 28,7 проценти во групата со високи дози, во споредба со 41,9 проценти кај пациенти кои примале стандардна доза.
По земањето предвид на различните фактори на ризик кај пациентите, се работи за намалување за ризикот за 32 проценти со високи дози на хепарин, велат истражувачите во трудот објавен во „JAMA Internal Medicine“.
Научниците велат дека започнале истражување „затоа што видовме дека пациентите добиваат згрутчување на крвта и умираат пред нас додека се на стандардни дози на превентивен хепарин“, според водачот на студијата д-р Алекс Спиропулос од Институт за медицински истражувања „Фајнштајн“ во Њујорк.
„Успеавме да докажеме дека нивото на д-димери најмалку четири пати над горната граница на нормалата може да предвиди многу ризична група хоспитализирани пациенти со Ковид-19 и давањето терапевтски дози на хепарин кај овие пациенти делува“, рече Спиропулос.
