Најчест тип на алергија се кожните алергии, кои некогаш и не ги забележуваме или барем веднаш не ги забележуваме. Тие не влијаат само на нашиот надворешен изглед и квалитет на живот, туку и на нашето ментално здравје.
КОЖНИТЕ АЛЕРГИИ СЕ ЕДНИ ОД НАЈЧЕСТИТЕ ВИДОВИ НА АЛЕРГИИ ДЕНЕС
Истражувањето што го спровело Американската академија за астма, алергија и имунологија докажува дека речиси две третини од светското население е погодено од некаква форма на алергија, а предвидувањата се дека до 2050 година алергично ќе биде секое второ лице. Чешање, пецкање, црвенило и чувство на затегнатост на кожата се само некои од симптомите на кожните алергии. Намалениот квалитет на живот предизвикан од алергија, неретко е тригер за срам, анксиозност и недостаток на сон.
КАКО ДА СЕ НОСИТЕ СО АЛЕРГИИТЕ?
Алергените се материи од околината кои предизвикуваат алергии. Невидливиот екосистем на микроорганизми кој не штити од алергените се нарекува микробиом. Тој се однесува како кожна бариера на нашиот имун систем и надоврешното опкружување. Животниот стил, стрес, исхрана, гени и хигиена во голема мера влијаат на состојбата на микробиомот и неговата ефикасност во одбрана од штетните материи за нашиот организам.
Токму од оваа причина, резултатите од најнови истражувања покажуваат дека децата кои живеат во руралните подрачја развиваат поотпорен микробиом на кожата од децата кои живеат во град. Децата кои се движат околу фарми често се опкружени со разновидна популација на бактерии поради која развиваат поотпорен микробиом на кожата, за разлика од децата градска средина, каде флората и фауната се помалку присутни, па со самото тоа и микробиолошката разноликост е послаба.
