Имајќи предвид дека малите деца најчесто се пребирливи кога станува збор за храната, родителите често имаат проблем кога им воведуваат здрава исхрана базирана на богати хранливи материи. Сепак, педијатрите предупредуваат дека нутритивниот дефицит кај детето може да го попречи неговиот раст и развој.
„Затоа е важно да се знае која храна е најдобра за бебињата и малите деца, а која е подобро да се избегнува, вклучително и оние таканаречени незгодни намирници кои претставуваат потенцијална опасност од гушење“, објаснува докторката и портпаролката на Академијата за исхрана Кристин Гербштад. Во продолжение, листа на најлоша храна за малите деца.
Виршли и друга опасна храна
Тврдата, леплива, лизгава, крупна и округла храна не е безбедна за малите деца бидејќи лесно може да се задават од неа. Затоа експертите препорачуваат да не му давате на вашето дете виршли, колбаси, големи парчиња месо или сирење, грозје, пуканки, голем суров зеленчук и јаткасти плодови или семки. Откако ќе почнете да подготвувате храна за вашето бебе, задолжително треба да ја исечете на парчиња не поголеми од половина сантиметар за да може детето полесно да ја преџвака.
Иако овошните сокови содржат овошје, експертите предупредуваат дека тоа не мора нужно да значи дека тие сами по себе се потполно здрави. Имено, влакната во свежото овошје најмногу се губат во процесот на производство, а она што останува е првенствено многу шеќер. Сокот може да предизвика и дијареја кај малите деца и бебињата бидејќи шеќерите што ги содржи може да го забрзаат варењето, попречувајќи ја способноста на телото самостојно да ги апсорбира хранливите материи
Исто така, експертите предупредуваат дека никогаш не треба да му давате мед на детето. „Медот е забранет за бебињата, не му давајте на вашето малечко храна која содржи суров или варен мед. Имено, медот може да содржи соединенија кои често предизвикуваат сериозни болести или смрт кај доенчињата, пишува „Baby Center“.
Газирани пијалаци
Според една студија од 2008 година за навиките во исхраната на доенчињата и малите деца, за жал, на некои бебиња речиси секој ден им се даваат сокови и газирани пијалаци. Истото истражување покажало дека до 24 месеци, повеќе од 10 проценти од малите деца пиеле газиран пијалак речиси секој ден. Експертите предупредуваат дека газираните пијалаци не содржат никакви хранливи материи, а нивното консумирање само покажува дека децата јадат и пијат помалку хранлива храна која навистина му е потребна на нивниот организам. Исто така, овој вид на пијалак содржи големи количини преработен шеќер, кој може да предизвика расипување на забите и многу други здравствени проблеми.
Брза храна
Брзата и преработена храна често е полна со заситени масти, шеќер, сол и калории, а има малку здрави хранливи материи и како таква, предупредуваат експертите, не треба да биде на менито на вашето дете. Разбирливо е дека од време на време ќе го однесете вашето дете на помфрит или хамбургер, но педијатрите нагласуваат дека тоа треба да се минимизира, додека кај бебињата најдобро е целосно да се избегнува овој вид на храна.
„Колку е пообработена храната, толку повеќе се намалува нејзината хранлива вредност, а се зголемува содржината на шеќер, сол и маснотии. Затоа е најдобро да се избегнува или барем да се минимизира овој вид на храна”, објаснува диететичарката Кејт Геган.
Овошни сокови
Иако овие пијалаци содржат овошје, експертите предупредуваат дека тоа не мора нужно да значи дека тие сами по себе се потполно здрави. Имено, влакната во свежото овошје најмногу се губат во процесот на производство, а она што останува е првенствено многу шеќер. Сокот може да предизвика и дијареја кај малите деца и бебињата бидејќи шеќерите што ги содржи може да го забрзаат варењето, попречувајќи ја способноста на телото самостојно да ги апсорбира хранливите материи.
