Секој ден е всушност трчање за нас. Сè почесто, родителството и семејниот живот се сведуваат само на тоа – брзање и распоред од будење до спиење. На крајот од денот, кога ќе ги подготвиме за спиење, сè што сакаме е да им прочитаме приказна (ако навистина мора) и да го слушнеме звукот на дишењето додека спијат. И ако побараат чаша вода само што ќе седнете пред телевизор или во фотелја со книга, ви паѓа „ролетна“ на очите.
Се на се, нема многу моменти во кои ќе седите во мир, малку ќе се галите со детето или децата, па же им кажете дека ги сакате. И во тие моменти, знаеме истиот да го потрошиме на речениците како: „Собата ти е неуредна“ или „Не ги собра чевлите„ или „Се уште не ги изми забите“.
Па, и онака знаат дека ги сакате, зарем не? Повеќе од се на светот. Да, тие знаат, но добро им дошла некоја реченица која тоа го потврдува.
Еве неколку реченици кои навистина ќе остават трага во срцето на детето – онаква каква што сакате. И ќе заспие знаејќи дека е сакано.
- Ти си ми важен/а.
- Сакам да поминувам време со тебе.
- Ти ме насмејуваш.
- Светот е подобар затоа што ти си во него.
- Се чувствувам толку среќно што сум твојата мајка/тато.
- Горд/а сум на личноста која што си.
- Те сакам од прстите до носот до местото каде што ти расте косата! (Помладите ќе се смеат ако го скокоткате местото за кое зборувате додека го кажувате ова.)
- Ти си ми убав/а и одвнатре и однадвор.
- Помислив на тебе денес кога …
- Ми се допаѓаш. (Дури и ако редовно кажувате „те сакам“, дали вашето дете знае дека ви се допаѓа?)
- Понекогаш, ако се чувствувам тажно, полесно ми е кога ќе помислам на тебе.
- Секогаш можеш да разговараш со мене, дури и ако се работи за нешто што те прави нервозен/а, исплашен/а или тажен/а.
- Сакам да те гледам додека… (Изберете активност во која детето ужива, како на пример играње фудбал, читање на книга, цртање, свирење…)
- Ми го исполнуваш срцето.
- Ценам кога… (Додадете конкретен пример за нешто што детето го прави што е корисно или љубезно.)
