Борбата со храна, особено со здравата храна, не е непознаница за родителите. Некои се борат уште од пораниот период, некои се откажуваат, некои истрајуваат, а од друга страна – некои успеваат, а некои не. А една посебна борба е онаа околу грицките што децата би можеле да ги јадат за ужина, односно меѓу оброците.
Наместо готови грицки купени во продавница, секако дека секогаш е подобро да понудите нешто здраво и нешто свежо. Овошјето е секогаш високо на таа листа на добри работи, па родителите кои имаат среќа децата лесно да го прифатат овошјето како ужина имаат проблем помалку. Интересно, но и шокантно е што според некои истражувања (американски), само мал процент од луѓето консумираат доволно овошје, а процентот е помал кај семејствата со помали примања.
Еве кое овошје би било најдобриот избор за ужина, па најдобро би било да им го понудите на децата, или да го подготвите како дел од училишната ужина, на пример.
Јаболка
Јаболката се исто така богати со антиоксиданти, особено потемните сорти. Тие содржат витамин Ц и растителни влакна, кои главно се наоѓаат во лушпата (затоа е важно да имате нетретирани плодови) и пектин, влакно што делува како пребиотик за да му помогне на дебелото црево и варењето. Јаболката содржат и кверцетин, флавоноид со антиоксидантни својства, штое повторно добро за имунитетот, а може да заштити и од алергии бидејќи делува како природен антихистаминик.
Портокал
Овие сакани агруми содржат околу 92% од дневната потреба на возрасен за витамин Ц. Тие се добар извор на фолати, витамин Б кој може да игра улога во спречувањето на кардиоваскуларни болести.
Грејпфрут
Можеби децата не го прифаќаат многу лесно, но грејпфрутот е добар извор на витамин Ц и важен антиоксидант. Витаминот Ц, исто така, му помага на телото да го апсорбира и складира железото, што често може да биде проблематично на училишните деца во развој. Грејпфрутот содржи и витамин А, кој помага во одржувањето на здравјето на очите и растот на клетките.
Јагоди
Јагодите се богати со витамин Ц, кој помага во зајакнување на имуниот систем. Тие содржат манган, фолна киселина и калиум.
Ананас
Покрај витаминот Ц, кој ананасот го има многу, има и витамин А, К, фосфор, цинк и калциум. Богат е со манган и содржи бромелаин, екстракт кој се наоѓа во плодот и стеблото на ананасот кој има антивоспалителни својства.
Сливи
Ова овошје содржи антиоксиданти како антоцијани и кверцетин, кои можат да го намалат ризикот од срцеви заболувања. Тие се исто така богати со влакна, кои можат да помогнат во регулирањето на варењето. Сливите содржат помалку шеќер и имаат низок гликемиски индекс.
Киви
Кивито содржи навистина големи количини на витамини Ц, Е и влакна. Покрај тоа, содржи и ензим наречен актинидин, кој го помага варењето, и лутеин и зеаксантин, два антиоксиданти кои влијаат на здравјето на очите.
