Раѓањето на детето е возбудливо време, но потребна е голема подготовка за да го заштитите секој агол од домот и да го направите безбедно место за вашето дете. Домот може да биде опасно место за детето, па затоа е важно да се отстрани се што може да му наштети или повреди.
Британската национална здравствена служба (NHS) вели дека повеќето случаи на труење се случуваат дома и дека децата на возраст под пет години се изложени на најголем ризик од случајно труење. Отровите може да се проголтаат, вбризгаат, да се апсорбираат преку кожата, да се вдишат или да се испрскаат во очите.
За да го намалите ризикот од труење на вашето дете, постојат низа работи што можете да ги направите за да го заштитите.
- Средства за чистење
Иако е важно да го одржувате вашиот дом чист, производите за чистење како белило може да содржат отрови кои можат да бидат штетни. Важно е таквите производи да се чуваат подалеку од дофатот на децата. Наместо да користите силни хемикалии кои се наоѓаат во средствата за чистење на домаќинства, можете да се одлучите за сок од лимон, кој делува антибактериски, антисептичен е и мириса свежо.
- Козметика
Производите како лак за нокти може да бидат иритирачки за желудникот или цревата.
- Растенија
Одредени растенија може да бидат опасни. Наместо тоа, треба да се одлучите за растенија како бамбус и „пајак-растенија“, кои според студијата спроведена од НАСА се најдобрите растенија за отстранување на токсините од затворен простор.
- Недоволно (слабо) сварена или мувлосана храна
Лошо подготвената или сварена храна, како и храната која е мувлосана или загадена со бактерии, може да биде отровна. Важно е да ја чувате оваа храна подалеку од дофат на вашето дете.
- Лекови
Предозирањето со лекови е опасно и за возрасните, а особено за децата. Лековите секогаш чувајте ги на темно место, подалеку од дофат на деца.
- Алкохол
Важно е да ги чувате сите алкохолни пијалоци подалеку од децата, особено оние со посилни бои, кои може да се помешаат со соковите. Алкохолот може да биде особено опасен за децата, па дури и ако возрасните консумираат прекумерна количина за краток временски период, можат да се затрујат.
- Пластични шишиња
Лекарката Наташа Бек вели дека е важно да имате стаклени, а не пластични шишиња за подготовка на детска формула или мајчино млеко. „Пластичните шишиња може да содржат токсични хемикалии како БПА, па да ги испуштат во млекото, особено ако се стават во микробранова печка или машина за миење садови“, вели д-р Бек.
- Стрес
Д-р Бек истакнува дека понекогаш најлошите хемикалии се оние што не можеме да ги видиме. „Социјалните отрови можат да бидат полоши од хемиските. Ослободете се од стресот“, советува таа.
- Вода
Во последниве години, многумина почнаа да користат филтри за вода за да се ослободат од сите потенцијално штетни материи од водата. Водоводните цевки може да содржат жива, хлор и азбест. „Дома треба да набавите филтер за отстранување на токсините од водата“, советува д-р Бек, а пренесува „Њујорк Пост“.
