Треска, отежнато дишење и сува кашлица се некои од најчестите симптоми на коронавирус. Овие симптоми исто така се јавуваат и со некои други болести како што се грип, настинка, па дури и алергии. Но, еден симптом на COVID-19 е карактеристичен за коронавирусот, а тоа е губењето на вкусот или агеузија.
Агеузија подразбира губење на функциите за вкус на јазикот, односно неможноста да се детектираат пет различни видови на вкусови – слатки, кисели, горчливи, солени и умами (солен, пријатен). Неодамнешна студија покажа дека губењето на мирис и вкус е меѓу првите показатели за инфекција со коронавирус. Овие 10 намирници можат да ви помогнат да се тестирате и на тој начин да откриете дали имате агеузија која е поврзана со COVID-19.
Овошје
Ако сè е во ред со вашите сетила, треба да можете да вкусите сè што е слатко. Едноставен начин да ги тестирате пупките за вкус е да каснете парче овошје. Ова може да биде, на пример, јаболка, банана, портокал или овошје што содржи природни шеќери.
Слатки
Слатките исто така ги стимулираат вашите пупки за вкус па можете да каснете од вашата омилена чоколада за да бидете сигурни дека сè е во ред со вашиот вкус.
Лимон или лимета
Лимонот и лиметата оставаат горчлив вкус во устата. Но, ако се напиете малку сок од лимон или лимета и се чувствувате рамнодушно, тогаш постои голема веројатност дека нешто не е во ред.
Кисели краставички
Киселите краставички често предизвикуваат и кисел одговор, но ако не чувствувате ништо, тогаш веројатно сте го изгубиле чувството за вкус.
Солени чипсови
Солените чипсови се одлични за тестирање на вкусот, но ако не чувствувате ништо додека ги јадете, можно е нешто да не е во ред.
Кујнска сол
Може да ставите малку сол на прстот и да го излижете. Ако не чувствувате ништо, можеби треба да размислите за тестирање на COVID-19.
Прокељ
Ова е еден вид зеленчук што остава исклучително горчлив вкус во вашата уста, така што e идеална храна што може да ви помогне да ги тестирате вашите сетила. Ако не почувствувате горчина откако ќе го изедете, можно е да имате коронавирус.
Зелен чај
Зелениот чај исто така остава горчлив вкус, па може да ви помогне и да пробате дали е сè во ред со вашето чувство за вкус.
Соја сос
Петтиот вид на вкус е умами, а соја сосот е едноставна намирница која може да ви помогне да се тестирате дали го чувствувате овој вкус.
„Смрдливо“ сирење
Ако не можете да почувствувате остар мирис на млеко, можеби треба да размислите за тестирање на COVID-19, пишува „Eat this“.
