Поп ѕвездата Џастин Бибер соопшти дека неговото лице е делумно парализирано од вирусна состојба наречена Ремзи Хантов синдром, предизвикан од варичела-зостер, вирусот кој исто така предизвикува овчи сипаници и херпес зостер.
Ремзи Хантовиот синдром, исто така, може да предизвика губење на слухот на зафатената страна на лицето. Како и кај Бибер, може да предизвика слабост, опуштено лице или парализа на страната на лицето која е нападната од вирусот
Во видео на јутјуб тој на своите обожаватели им објасни дека вирусот нападнал нерв во неговото уво, нервите на лицето и довел до парализа на лицето.
„Можете да видите дека ова око не трепка. Не можам да се насмевнам од оваа страна. Овие ноздри не се движат“, рече Бибер во видеото.
Ремзи Хантов синдромот е ретко невролошко нарушување кое се јавува кога вирусот варичела-зостер инфицира нерв во главата во близина на внатрешното уво. Откако ќе прележите овчи сипаници како дете или херпес зостер како возрасен, вирусот може да мирува во телото, пишува Си-Ен-Ен.
Не е познато зошто вирусот повторно се активира и доведува до појава на Ремзи Хантов синдром.
- Симптомите може да вклучуваат болен осип внатре во ушниот канал и надвор од увото, кој понекогаш ги напаѓа јазикот и непцата, според „Icahn School of Medicine – Mount Sinai“
Поради зафатеноста на внатрешното уво, луѓето со оваа состојба може да страдаат и од вртоглавица или тинитус, зуење во увото.
Ремзи Хантовиот синдром, исто така, може да предизвика губење на слухот на зафатената страна на лицето. Како и кај Бибер, може да предизвика слабост, опуштено лице или парализа на страната на лицето која е нападната од вирусот.
Оваа слабост може да предизвика потешкотии со затворање на едното око, правење гримаси и јадење, бидејќи храната може да испаѓа од устата.
Лекувањето се состои од стероиди како што е преднизон за намалување на воспалението и лекови против болки. Понекогаш може да се препишат антивирусни лекови кои помагаат во лекувањето на херпес, како што се ацикловир или валацикловир.
Како што велат од „Mount Sinai“, целосно закрепнување не е сигурно. Некои, сепак, закрепнаат за неколку месеци. Колку порано се дијагностицира, толку се поголеми шансите за закрепнување.
