Иако денес сè поголем број родители го осудуваат физичкото дисциплинирање на детето, има и такви кои сè уште веруваат дека е дозволено малку „плескање по задникот“. Педијатрите предупредуваат дека децата со овој вид на казнување не го менуваат однесувањето, туку го доживуваат сосема поинаку.
Физичкото казнување на детето може на момент да го запре неговото „лошо“ однесување, но според истражувањето на Американското здружение за педијатри, тоа е најмалку ефикасниот метод за дисциплинирање. За да ја потврдат оваа теза, научниците ги испрашувале родителите кои во одгледувањето на децата користат поблаги форми на физичко казнување, како што е удирање по задникот. Нивното објаснување за казнувањето било следното – детето ќе прими удар, ќе сфати дека згрешило и на крајот ќе престане да го повторува однесувањето што резултирало со казната.
Истражувањата спроведени на оваа тема покажале дека истите овие деца, кои биле физички дисциплинирани, подоцна имаат многу проблеми со менталното здравје, а најчесто страдаат од депресија
Сепак, резултатите покажале дека родителите на четиригодишни деца кои почнале физички да ги казнуваат своите деца на возраст од една година ги казнуваат своите деца исто толку често како и родителите кои почнале физички да ги казнуваат своите деца на подоцнежна возраст. Според тоа, лесно е да се заклучи дека децата очигледно не можат да ги научат лекциите што родителите се обидуваат да им ги пренесат преку физичкото дисциплинирање.
Како физичкото казнување влијае на децата?
Наместо да ги научи на подобро однесување, казнувањето има потполно поинаков ефект. Истражувањата покажаа дека децата чии родители применуваат физичко дисциплинирање се лути, тажни и понижени по казнувањето. Исто така, педијатрите предупредуваат дека физичкото казнување може да резултира со агресивно однесување кај постарите деца. Имено, децата со тек на време ќе почнат да применуваат обрасци на вакво однесување и ќе заклучат дека удирањето е сосема нормална работа.
Дополнително, истражувањата спроведени на оваа тема покажале дека истите овие деца подоцна имаат многу проблеми со менталното здравје, а најчесто страдаат од депресија.
„Нема апсолутно никаква корист од физичкото казнување. Знаеме дека децата растат и се развиваат подобро со позитивен модел и поставување на здрави граници. Родителите мора да научат да поставуваат граници на начин кој нема да биде штетен за нивните деца“, нагласува педијатарот Роберт Сеге.
