Бранот на случаи на педијатриски коронавирус во последните неколку недели го зголеми бројот на заболувања кај деца, кој надмина 2 милиони, според Американската академија за педијатрија (ААП). Повеќе од 1 милион случаи на коронавирус кај деца се пријавени на национално ниво од 12 ноември, според податоците на ААП.
ААП верува дека бројот на пријавени случаи на COVID-19 кај децата е веројатно потценет, бидејќи симптомите на децата се често благи и тие не можат секогаш да бидат тестирани
„Приближно 179.000 нови случаи на COVID-19 кај деца беа пријавени минатата недела, заклучно со 24.12.“, се истакнува во соопштението од ААП. „Во ова време, се чини дека тешката болест како резултат на COVID-19 е ретка кај децата. Сепак, има итна потреба да се соберат повеќе податоци за долгорочните влијанија на пандемијата врз децата, вклучително и начините на кои вирусот може да му наштети долгорочно на физичкото здравје на заразените деца, како и ефектите што ги има врз емоционалното и менталното здравје“.
Повеќето деца кои ќе заболат од коронавирус, имаат лесни симптоми или немаат никакви симптоми, според Американскиот Центар за контрола и превенција на болести (CDC). Сепак, како и кај возрасните, некои можат сериозно да се разболат и да бараат хоспитализација, интензивна нега или респиратор за да може да дишат. Во ретки случаи, може да настапи и смрт
Децата во моментот претставуваат приближно 12,4% од сите случаи во САД, според податоците, и заклучно со 17 декември, најмалку 172 деца починале поради болеста. Околу 1,8% од сите COVID-19 хоспитализации вклучуваат деца, но во претстојниот извештај на ААП се очекуваат повеќе податоци околу тестирањето, хоспитализациите и морбидитетот.
„ААП верува дека бројот на пријавени случаи на COVID-19 кај децата е веројатно потценет, бидејќи симптомите на децата се често благи и тие не можат да бидат секогаш тестирани“, се вели во соопштението.
Ширењето на коронавирусот кај децата е тема која загрижува во земјата, каде што има наплив на случаи во неколку региони што не се забележани од почетокот на пандемијата. Здравствените власти повикаа училиштата да останат отворени за учење, тврдејќи дека ширењето не се случува во училиштата, туку во рамките на заедниците на мали собири и од асимптоматски луѓе.
Повеќето деца кои ќе заболат од коронавирус, имаат лесни симптоми или немаат никакви симптоми, според Американскиот Центар за контрола и превенција на болести (CDC). Сепак, како и кај возрасните, некои можат сериозно да се разболат и да бараат хоспитализација, интензивна нега или респиратор за да може да дишат. Во ретки случаи, може да настапи и смрт.
Исто така, има случаи на ретка, сериозна медицинска состојба поврзана со COVID-19 кај децата идентификувана како мултисистемски воспалителен синдром кај деца (MIS-C), иако CDC рече дека сè уште не е јасно што ја предизвикува состојбата или кој е со зголемен ризик од нејзино развивање. (Фокс Њуз)
