Вирусните инфекции се многу чести кај децата, особено ако посетуваат колектив, а тоа се настинки, бронхиолитис, тонзилитис, инфекции на увото, грип, заушки и сипаници. Постојат стотици различни вируси, а најчести се настинките. Според Кралската детска болница во Мелбурн, настинките се многу чести кај децата и во просек децата од предучилишна возраст имаат најмалку шест настинки годишно.
Педијатрите предупредуваат дека иако повеќето вируси кај децата се благи, доенчињата помлади од три месеци може сериозно да се разболат и треба да бидат прегледани од лекар
Вообичаено е здравите деца да имаат до 12 вирусни заболувања годишно во првите неколку години од животот. Исто така, вообичаено е децата да се разболат од еден вирус набрзо откако ќе се опорават од друг, па често на родителите може да им се чини дека се болни постојано. Како што растат децата, фреквенцијата на заразување со вирусни заболувања обично се намалува.
Вирусите може лесно да се шират кога децата се во близок контакт едни со други. Повеќето вируси и симптоми се благи, а најдоброто нешто што секој родител може да го направи веќе при појавата на првите симптоми е да му овозможи на детето квалитетен одмор дома.
Кои се симптомите на вирусна инфекција?
Ако вашето дете има вирусна инфекција, може да забележите различни симптоми, вклучувајќи:
- запушен нос,
- црвени, насолзени очи,
- воспалено грло,
- покачена температура,
- осип,
- кашлање или кивање,
- повраќање или дијареја,
- зголемен замор,
- губење на апетитот,
- чувство на слабост.
Педијатрите предупредуваат дека иако повеќето вируси кај децата се благи, доенчињата помлади од три месеци може сериозно да се разболат и треба да бидат прегледани од лекар. Честите, но благи вирусни инфекции кај повеќето деца не бараат лекарски преглед и обично исчезнуваат за пет до седум дена. Доколку траат подолго, но симптомите се интензивираат или нагло се променат, неопходно е итно да се побара помош од лекар.
Честите, но благи вирусни инфекции кај повеќето деца не бараат лекарски преглед и обично исчезнуваат за пет до седум дена. Доколку траат подолго, но симптомите се интензивираат или нагло се променат, неопходно е итно да се побара помош од лекар
Што можат да направат родителите?
Како што објаснуваат лекарите, вирусите не се лекуваат со антибиотици. Најдобар третман е исклучиво квалитетен одмор дома за да му се овозможи на имунолошкиот систем на вашето дете да се бори со вирусот што е можно полесно. Сепак, постојат неколку едноставни работи што можете да ги направите за да му го олесните времето на боледување на вашето дете.
Ова вклучува давање на детето доволно течности, одмор, давање лекови против болки на детето ако тоа му го нарушува апетитот, спиењето или ако болките се премногу силни. Не давајте веднаш лекови за да ја намалите температурата. Имено, малку покачената температура всушност му помага на вашето дете природно да се бори против инфекцијата. Исто така, никогаш не му давајте на вашето дете лекови освен ако тоа не ви го советувал педијатар или специјалист.
