Педијатарот д-р Шрути Натвани објаснува дека постои голема забуна околу тоа што всушност го предизвикува пеленскиот осип. Причината не секогаш е тоа што вашето дете седи предолго во мокра пелена.
„Првата изненадувачка причина што вашето дете може да страда е ако неодамна сте почнале со внес на цврста храна. Имено, кога ќе почнете да го навикнувате вашето бебе на цврста храна, ќе видите дека нивната столица ќе стане погуста и обично со потемна боја. Исто така може да забележите и дека промената во исхраната понекогаш може да ја зголеми зачестеноста на столицата кај вашето дете и pH вредноста, што ги зголемува шансите за пеленски осип“, објаснува таа за „The Sun“.
Миењето и бришењето на детето игра клучна улога во отстранувањето на урината и изметот, но некои бебиња може да имаат чувствителна кожа, а прекумерното или енергично бришење може да ја иритира нивната кожа, што на крајот може да го зголеми ризикот од пеленски осип
Друга причина зошто вашето бебе би можело да има пеленски осип е ако сте претерале со хигиената. Д-р Натвани тврди дека иако бришењето е клучен дел од вашата секојдневна рутина, бебињата со чувствителна кожа можат да бидат повеќе склони кон пеленски осип ако претерате со тоа.
„Миењето и бришењето на детето игра клучна улога во отстранувањето на урината и изметот, но некои бебиња може да имаат чувствителна кожа, а прекумерното или енергично бришење може да ја иритира нивната кожа, што на крајот може да го зголеми ризикот од пеленски осип“, додава педијатарот.
„За да се обидете да го спречите тоа, би препорачала да користите блазници и млака вода за нежно чистење на бебешкото газе. Ако користите марамчиња, обидете се да користите марамчиња без алкохол и мирис бидејќи тие исто така можат да ја иритираат кожата. Исто така, секогаш оставете го местото каде што ја нанесувате пелената темелно да се исуши пред да ставите нова пелена.“
На крајот, педијатарот предупредува дека ако вашето дете има дијареја или течна столица, тоа може да предизвика и осип.
„Пеленскиот осип може да се појави кога кожата на бебето е во долготраен контакт со урина и измет. Секако, ќе видите дека морате почесто да им ги менувате пелените кога имаат дијареја, а токму поради зголемената pH вредност на столицата и зголемениот волумен на столица се зголемува и ризикот од пеленски осип“, додава д-р Натвани.
