Неочекувана бучава одекнува низ ходниците на Домот за стари лица Ичоан во Јапонија – звук на кикотење на мали деца. Пензионерски дом почна да „вработува“ мали деца за да го подигне расположението на своите штитеници.
Децата работата кога ќе посакаат, талкаат по ходниците на старечкиот дом и ги воодушевуваат сите штитеници на својот пат. На крајот од смената, преслатките дечиња се богато наградени со сладолед и пелени.
Спојување на генерации
Ичоан не е единствениот дом за стари лица што ги отвора вратите за децата. Во САД често се организираат детски посети на такви институции. Истражувањата покажале дека и децата и повозрасните лица имаат непроценливи придобивки од тоа.
Во Јапонија, една третина од населението е над 65 години, а поради пандемските ограничувања во изминатите години, тие се чувствуваат изолирани, што ја поттикна владата да формира Министерство за осаменост минатата година.
Кими Гондо, директорка на домот Ичоан, вели дека ја видела радоста на лицата на штитениците кога еден ден ја донела својата внука на работа.
„Штом ги видов како се смеат, сфатив каква моќ имаат децата“, вели Гондо.
Ова ја инспирирало да објави конкурс за потенцијални нови вработени, деца до три години кои можеби ќе сакаат да стекнат нови пријатели.
Малата Рена Шинохара, една од 70-те мали вработени, на „работа“ ја носи мајката Канае Шинохара.
“Таа сака да комуницира со баби и дедовци. Смешно е – јас не работам, а таа има работа”, вели мајката на Рена.
Посетителите како Рена им го разубавуваат денот на жителите на домот. Тацуо Оџира (93) не ги гледа толку често своите внуци. За децата кои доаѓаат во домот вели: „Ми даваат енергија кога ги гледам, навистина ми помагаат“.
Друг жител, Ацуко Окамура (81), додадва: „Кога ќе дојдат, тие се многу слатки!“
