Жиговината или непријатното чувство на киселост што се јавува во грлото предизвикано од стомачни киселини. Кај трудниците се појавува по зголемување на матката и нејзин притисок на дијафрагмата и желудникот. Растењето на матката не може да се спречи, но затоа може да преземете одредени мерки и да ги ублажите тегобите.
- Грицкање бадеми
Веднаш штом почувствувате дека ве “пецка“ во желудникот, изедете десетина сурови бадеми. Не треба да користите печени, солени или на кој било друг начин третирани бадеми, туку само сурови. Ако не сте љубител на бадеми, суровите лешници исто така ќе ви помогнат.
- Избегнувајте масна и зачинета храна
Јадете готвени оброци или они подготвени на пареа и со што помалку зачини. Исто така, не јадете непосредно пред легнување, било тоа да е и попладневна дремка.
- Наместо леб – двопек
Сува корка од леб или двопек се исто такаб добри во неутрализирањето на желудочната киселина, а може да помогнат и во елиминирање на чувството на печење во грлото. Сличен ефект ќе постигнете и со консумирање на несолени пуканки. Забележано е дека на некои трудници им помагаат и свежи јаболки, банана и изрендан свеж морков.
- Правилно дишете
Ако горенаведените методи не помагаат, обидете се со длабоки вдишувања низ нос и лесни издишувања преку уста. Ако поради жиговината не можете да спиете, подигнете ја перницата и спијте во полуседечка положба.
- Јадете во седечка положба
Никогаш не консумирајте храна во полулежечка положба! По оброкот, шетајте, движете се и бидете активни најмалку еден час, а дури потоа легнете. На овој начин ќе го натерате желуднукот побрзо да ја свари изедената храна и таа нема да се врати во хранопроводот.
