И покрај тоа што го зборуваат родителите, ново истражување открива дека мајките можеби имаат свои фаворити. Неодамнешна анкета, во која учествувале 2.000 возрасни лица во Велика Британија покажала дека 23 отсто од мајките признале дека имаат омилено дете.
Освен тоа, 24 отсто од анкетираните мажи тврделе дека се миленици на нивните мајки, во споредба со 17 отсто од жените.
Покрај овие откритија, психолозите ги откриле суптилните знаци кои можат да откријат дали ние сме фаворити.
„Често омиленото дете на мајките ќе биде дете кое има личност слична на нивната, понекогаш дури и детето кое најмногу личи на нив во нивните помлади денови“, вели бихевиоралниот психолог Џо Хемингс.
Но, има и други знаци кои откриваат дека мајките фаворизираат иодредено дете, додава таа.
Ова се некои од нив:
- Тие често го спомнуваат своето омилено дете
- Му покажуваат посебно внимание (на пр. сакаат да седат до него на масата, често му ја готват омилената вечера)
- Повеќе се трудат околу прославата на неговиот роденден во споредба со другите деца
- Имаат најмногу фотографии од тоа дете
- Како лозинка го користат неговото име или роденден
Сепак, дури и со овие насоки, можеби нема да можеме најдобро да го процениме своето место во споредба со нашите браќа и сестри. Научниците од Пердју утврдиле дека децата грешат во околу 60 проценти од случаите кога погодуваат дали се миленици на нивната мајка.
