Па еве го. Големиот ден. Оној за кој разговараме, купуваме и одбројуваме уште колку ноќи има, веќе толку недели. Тој ден конечно е тука. Првиот училишен ден. И сега, кога пристигна знам дека си подготвена да ја започнеш твојата комплетно нова авантура. Само што не сум сигурна дека јас сум подготвена.
Додека се подготвувавме утрово имаше толку многу работи што сакав да ти ги кажам и толку многу работи што сакав да знаеш.
Додека те разбудив нежно, сакав да ти кажам дека ќе ми недостигаш денес. Ќе ми недостига да те држам за рака додека одиме заедно до продавница или да ги нахраниме патките. Сакав да ти кажам дека дел од мене не сака нашите животи да се сменат и не сака да те пушти.
Додека ти помагав да ја облечеш новата униформа, сакав да ти кажам колку голема си станала и колку големо изгледаш во твојата прва училишна униформа. Сè уште се сеќавам на денот кога те донесовме дома од болница, она мало „купченце“ што спиеше на седиштето во автомобилот. И додека трепнеш, ти стана оваа прекрасна млада девојка која стои пред мене, подготвена да започне ново поглавје.
Додека ти помагав да ја спакуваш училишната торба, сакав да ти кажам дека знам дека ќе стекнеш пријатели. Ти си љубезна и смешна и лојална, ти си мојата најомилена личност на светот. Но, исто така знам и дека си срамежлива и тивка во нови ситуации. И тоа е во ред. Ќе го најдеш својот пат, љубов моја, дури и ако сите останати се чини дека се самоуверени и разговорливи и дека веќе имаат тони пријатели. Само биди ти. Тоа е доволно. И ќе најдеш пријатели кои ќе имаат среќа да те запознаат како што те знам јас.
Додека ти ставав чинија со житарки, сакав да ти кажам дека можеби има луѓе кои кажуваат работи што ќе те растажат или кои нема да ти дозволат да се вклучиш во нивните игри. И знам дека тоа ќе боли. Посакувам да можам да те заштитам од сета подлост на светот. Но, секогаш кога си тажна знај дека секогаш ќе бидам тука, љубов моја. Да те слушам и да те гушкам и да ги подобрам работите на кој било начин.
Додека ти носев чаша сок од портокал, сакав да ти кажам дека си паметна. Но, ти си исто така само почетник и никогаш не треба да се чувствуваш загрижено ако не знаеш како да направиш нешто. Те молам, никогаш немој да седиш на час со пеперутки во стомакот затоа што си премногу исплашена или загрижена дури и да започнеш со работа. Секогаш прашувај, слатко мое дете.
Додека те бакнував и ти мавтав збогум, ја ставив најголемата насмевка на моето лице и ги задржав солзите кои се закануваа да паднат. Ти кажав едноставно да имаш убав ден и дека те сакам. И тоа беше доволно. Уживај во твојата авантура, драга моја
Додека ти помагав да ги закопчаш твоите нови сјајни чевли, сакав да ти кажам дека додека учиш нови работи ќе правиш и грешки и тоа е во ред. Сите ние правиме грешки и сите учиме од нив. Не се обесхрабрувај, научи лекции од нив и дозволи им да те направат уште порешителна следниот пат да го направиш тоа уште подобро.
Додека ти помагав да ги закопчаш копчињата на палтото, сакав да ти кажам дека денот може да биде долг. Можеби ќе се чувствуваш изнемоштено обидувајќи се да слушнеш и да направиш сè како што треба. И можеби ќе се чувствуваш малку заситено на крајот од денот само затоа што си многу уморна. Сепак, во ред е, мое мило девојче. Наскоро ќе ги научиш сите правила и ќе почнеш да се опушташ и да се навикнуваш на твојот нов училишен ден. Само дај си време и немој да бидеш тажна ако на почетокот се чувствуваш малку нервозно. Се ќе биде во ред.
Додека одевме рака под рака кон училишните порти, сакав да ти кажам дека не сум подготвена да те пуштам. Дека го сакав секој момент од последните пет години со тебе, мојата најомилена мала личност покрај мене. И знам дека од денес нашите животи ќе се сменат засекогаш и никогаш повеќе нема да можеме да го имаме тоа време заедно. Но, се чувствувам како најсреќната мајка на светот која те гледа како растеш во забавно, паметно, убаво, нежно девојче какво што си денес. Се надевам дека секој што ќе те запознае денес ќе ја види добрината во тебе како јас.
Додека те бакнував и ти мавтав збогум, ја ставив најголемата насмевка на моето лице и ги задржав солзите кои се закануваа да паднат. Ти кажав едноставно да имаш убав ден и дека те сакам. И тоа беше доволно.
Уживај во твојата авантура, драга моја.
Со љубов,
Мама
Сали Џонсон, Mas&Pas|The Parenting Network
