Добар план може да помогне лесно и без стрес да го одвикнете детето од доење.
Познато е дека новороденчето во првиот месец цица најмалку осум пати дневно, вклучително и ноќните подои.
До 5. месец, бебето се дои шест пати, а подоцна пет пати дневно. Со дохрана, зависно од бебето, се почнува по 6 месец, но по потреба може и порано. Се почнува со овошје и овошни сокови, па потоа зеленчук, а подоцна и месо.
Постепеното одбивање од доење е најдобро, поради тоа што на тој начин се дава можност желудочните сокови на бебето да се прилагодат на нов вид на храна. Одбивањето треба да се спроведува постепено, во текот на три до шест месеци.
Секои две или четири недели се укинува по еден подој. Ако мајката мора да се врати на работа, тогаш ќе спроведе забрзано одбивање, што значи дека секоја недела ќе укинува по еден подој, менувајќи го со немлечен оброк или со млечна формула.
Одбивањето од доење е можно да се спроведе во било кое годишно време, доколку постојат хигиенски услови и доколку здравствената состојба на мајката е во ред. Иато така е важно детето да научи да јаде без силење и со задоволство.
