Американскиот пластичен хирург Брајан Ринкер вели дека се надева оти неговото сознание ќе им помогне на жените да не стравуваат за својот физички изглед по периодот на доење на детето. Ринкер објаснува дека до идеја за спроведувањето на истражувањето дошол откако во ординацијата му дошле голем број на пациентки со барање да им направи пластична реконструкција на дојките кои, според нивното мислење, “им се опуштиле поради доењето“.
НЕМАЛО РАЗЛИКА КАЈ ЖЕНИТЕ КОИ ДОЕЛЕ И КОИ НЕ ДОЕЛЕ
Тој, со своите колеги од Универзитетот во Кентаки одлучиле да спроведат истражување во кое учествувале 132 жени кои во периодот од 1998 до 2006 година одлучиле да направат операција за зголемување или подигање на градите. Повеќето жени барем еднаш биле бремени, а 60 проценти од нив доеле барем едно дете. Тимот на научници собрал податоци од секоја пациентка, меѓу кои биле податоци за телесната тежина, висина, големината на градникот што го носеле за време на бременсота и дали некогаш пушеле.
По деталната анализа, било утврдено дека нема разлика во нивото на птозата, што е клиничко име за опуштеноста на некој орган, меѓу жените кои доеле и оние кои не доеле, но утврдиле дека нивоѕо на опуштеност на градите се зголемувало со бројот на родени деца, при што еден од важните фактори било и пушењето.
“Пушењето го рзградува сврзно-ткивниот протеин кој се наоѓа во еластичните влакна на кожата, односно еластин, кој е одговорен за затегнатоста на кожата која ги ‘држи’ градите“, објаснува д-р Ринкер. Тој напоменува дека една од причините за опуштеноста на градите кај некои жени може да биде и носењето на несоодветен вид на градник.
