Ова е една фаза која знае да биде непријатна и застрашувачка за многу родители. Една од најважните работи кои треба да ја запомните е дека не постои “прав пат“ или златен стандард за воведување на дохрана кај бебето.
Ние ќе ви наведеме намирници кои ќе ви помогнат да имате идеја за тоа кои намирници се безбедни, здрави и хранливи за вашето бебе.
Многумина педијатри препорачуваат бебето да почне со дохрана од шестиот месец, но сепак некои велат дека е дозволено на бебето да му се даваат одредени намирници уште од четвртиот месец.
ПРЕПОРАЧАНИ НАМИРНИЦИ ОД 4. ДО 6. МЕСЕЦ
Житарки и снегулки: ориз, овес, јачмен
Овошје: авокадо, јаболка, банана, круша
Зеленчук: морков, сладок компир, грашок
Без протеини, без млечни производи.
Никогаш не го заменувајте мајчиното или адаптираното млеко пред детето да наполни една година, оти се можни сериозни здравствени ризици.
Кога размислувате за воведување дохрана, златно правило е да го следите и набљудувате бебето, а не календарот.
Бебето веројатно на почетокот ќе изеде само половина лажичка од порцијата храна која сте ја подготвиле при воведувањето дохрана. Не очекувајте да го доврши оброкот, односно да изеде се. Запомнете дека ова е сосема ново искуство за бебето. Како тоа ќе расте, ќе се зголемува и обемот на порцијата и бројот на изедени лажички.
