Еден психолог смислил експеримент: почнал да ги фали уморните деца, а потоа ја измерил нивната енергија на посебен уред: ергограф. После пофалбите се случувала експлозија на енергија и заморот исчезнувал кај децата. Но, биле доволни да му се кажат на детето само неколку зборови на критика, навредливи зборови и енергијата нагло опаѓала.
Ако сакате да се дружите со луѓето и да им помогнете да работат подобро – пофалете ги. Секогаш може да се најде нешто за да се пофали
По критиките, детето било уморно и лошо ги извршувало задачите. Затоа што нема ништо добро во критиката. „Работиш полека! Лошо си напишал! Си зготвил невкусно! Премногу си дебел!“ – само толку е доволно за да се украде енергијата на човекот. Да се направи уморен и скршен. Уништен.
Мудриот Френклин напишал: Ако сакате да стекнете непријатели – одете и критикувајте ги сите. Сите ќе почнат да ве избегнуваат. Затоа што човекот секогаш ќе се сеќава на чувството на губење на енергија и скршеност, што останало по комуникацијата со вас. Како да сте му ја одзеле силата.
Ако сакате да се дружите со луѓето и да им помогнете да работат подобро – пофалете ги. Секогаш може да се најде нешто за да се пофали. И заедно да се исправи она што може и треба да се коригира. Човек ќе почувствува прилив на сила, ќе ве запамти дека сте му дале енергија – и ќе се развијат најдобрите и најкорисните односи.
Критиката ја одзема енергијата. Пофалбата – додава сила. И секако, ние ќе останеме со оние кои ни даваат сила. Кои не не ограбуваат како разбојници на пат. И паметните професионални критичари исто така знаат дека во критичката анализа е важно да се истакне тоа во што успеал авторот. А дури потоа да се истакне она во кое не успеал. (Зелена учионица)
