Вакцината на американската компанија Фајзер и германската Бионтек беше првата што беше одобрена на Запад кон крајот на 2020 година, а во Израел и во други земји се користи за лица над 16 години.
Студија во која се вклучени 1,2 милиони лица во Израел, каде повеќе од половина од 9,2 милиони население примиле две дози, покажа дека вакцината на двете компании е ефикасна 94 проценти.
Во средата, две лаборатории објавија дека клиничките испитувања спроведени врз 2.260 деца на возраст меѓу 12 и 15 години во САД покажале „ефикасност од сто проценти“.
„Чекаме одобрување од Американската агенција за лекови (ФДА)“, изјави вчера Нахман Ах, израелски координатор за борба против коронавирусот.
“„Нашиот тим за вакцинација ќе зборува за тоа. Ќе бидат потребни уште неколку недели, еден месец или два “, додава тој.
Децата се изложени на помал ризик од потешки форми на КОВИД-19, а оние помали од 10 години и помалку го шират, па нивната вакцинација не беше приоритет, коментираат експертите.
Но, директорот во министерството за здравство на Израел, Хези Леви, вчера предупреди дека расте бројот на хоспитализирани деца со компликации. Тој проценува дека вакцинирањето на децата на возраст од 12 до 15 години може да започнат во мај.
Од почетокот на пандемијата, Израел има 833,281 случаи на инфекција со коронавирус, со 6,214 смртни случаи.
