Разводот во ретко кое семејство е безболен. Иако мислиме дека понекогаш е подобро да се остане во лош брак заради децата, експертите сметаат дека разводот всушност во такви ситуации може да донесе посреќна иднина за децата, додека останувањето во таков брак може да значи страдање за сите. Еве шест причини поради кои тешкиот брак може да биде полош за децата отколку разводот.
Децата ќе ги копираат нездравите односи на нивните родители
Децата како сунѓер апсорбираат се што ги опкружува. Кога ќе ги видат нивните родители како се караат, и тие ќе го прават истото. Децата може да почнат да мислат дека е во ред да се согласат на несреќен брак и ќе почнат да се сомневаат во нивната способност да развијат здрав однос полн со љубов.
Веројатно никогаш нема да се навикнат на расправиите на родителите
Децата се многу чувствителни на семејните конфликти. Ако родителите не се почитуваат едни со други, социјалната и емоционалната благосостојба на нивните деца е загрозена. Напнатоста помеѓу родителите може да го загрози чувството на сигурност на детето, предизвикувајќи тоа да се чувствува отфрлено, несигурно и виновно. И наместо да се помири со тоа, на крајот може да прерасне во возрасен човек со ниска самодоверба, проблеми со довербата и чувство на безвредност.
Како одговор на стресната ситуација во семејството, децата може да развијат нездрави навики. Ова може да биде прејадување, прекумерно играње видеоигри, губење на интерес за училиште, тепачка со врсниците или агресивно однесување
Децата стануваат почувствителни на стрес
Кога децата не се чувствуваат безбедно во својот дом, тие можат да страдаат од стрес. Анксиозноста може да ги доведе до кошмари и чувства на страв.
Може да дојде до проблеми во градењето односи
Децата кои живеат во токсични средини во возрасна доба може да имаат потешкотии да изградат балансирани односи со врсниците, додека односите со браќата и сестрите може да станат презаштитничи или дистанцирани.
Ќе се обидат да ги скријат своите емоции и да усвојат лоши навики
Како одговор на стресната ситуација во семејството, децата може да развијат нездрави навики. Ова може да биде прејадување, прекумерно играње видеоигри, губење на интерес за училиште, тепачка со врсниците или агресивно однесување.
Децата можат да се плашат од сопствените емоции
Критиката и лутината можат да бидат дел од нормална врска, но деструктивните тактики на родителите, како што се избегнување и вербална агресија, може да ги натераат децата да помислат дека изразувањето на сопствените чувства не е безбедна стратегија.
Децата обично подобро се снаоѓаат надвор од токсична средина, дури и ако нивните родители се разделиле. Додека оние кои растат во стресно домаќинство може да развијат анксиозност, депресија и други проблеми, децата чии родители се разведуваат обично добро се прилагодуваат со текот на времето. Ова е особено точно во ситуации кога родителите се спремни да одржат пријателски однос и да најдат начин за здрав развод со доброто на нивните деца во фокус.
