Воспитувањето на детето не е лесна задача за ниту еден родител бидејќи не доаѓа со упатства, често се среќаваме со најразлични совети, а не знаеме кои се точни, а кои не. Затоа едукаторката за родителство, Ејми МекКреди за порталот Today открива што никогаш не прави со своите деца, а истото им го препорачува и на останатите родители. Како што објаснува таа, при воспитувањето на сопствените деца се држи до одредени правила, а особено до едно.
„Ова е една од најчестите грешки што ја прават повеќето родители, а јас секогаш се трудев да ја избегнам во мојот дом. Ги советувам и другите родители да го пробаат истото“, вели едукаторката која додава дека родителите често ја прават оваа грешка сосема несвесно бидејќи не разбираат колку негативни може да бидат последиците за детето.
Се работи за „ставање во казна“. Како што објаснува таа, ова е една од најчестите родителски тактики за казнување на децата, но МекКреди нагласува дека не ја поддржува и смета дека тоа не дава резултати.
„Ова е популарна родителска тактика, но тоа не значи дека поради тоа е ефикасна. Имено, целта на секоја дисциплинска техника треба да биде оспособување за подобро однесување со зачувување на силна емоционална поврзаност меѓу родителот и детето, а казнувањето не го овозможува тоа“, открива таа.
