Поради опасноста од ширење на коронавирус во Клиниката за детски боолести, менаџментот на болницата вечерва соопшти дека ги затвора вратите и од денеска 26. февруари, најстрого ја забранува посетата на малите пациенти.
„Ги замолуваме роднините на децата кои се хоспитализирани, да имаат разбирање за оваа одлука, да не инсистираат на влез, бидејќи здравјето и безбедноста на детето е поважно од се. Вратарската служба нема да допушти влез на ниту едно лице кое не е хоспитализирано со дете“, се вели во објавата на Детска клиника.
Оттаму ги замолуваат и родителите кои веќе лежат на Клиниката со своите малечки, без нужна потреба да не ја напуштаат клиниката, и да ги преземат сите мерки на заштита.
