Лекарите забележале „зголемен број на дијагнози“ на средновековни сексуално преносливи инфекции и кај идните мајки и кај неродените бебиња. Претходно, здравствените работници беа на штрек за осип предизвикан од рубеола, парвовирус, сипаници, варичела, херпес, ентеровирус и сипаници.
Но, сифилисот, кој може да предизвика црвеникаво-кафени дамки, рани и брадавици, беше додаден на списокот за следење на 28 ноември 2023 година. Матичните лекари, акушерките и другиот медицински персонал сега мора да го разгледаат како можна дијагноза.
Упатството/гајдлајнот на NHS наведува: „Наместо пациентите да се проценуваат на ризик, се препорачува сите бремени жени со осип да се тестираат за сифилис“. Ова обично вклучува физички преглед и земање брис и примероци од крв.
Најчестиот начин да се фати сифилис е преку незаштитен вагинален, анален или орален секс со некој што е заразен, според NHS.
Но, исто така, може да се пренесе на неродено бебе за време на бременоста. Сифилисот е една од најчестите сексуално преносливи инфекции на глобално ниво, со приближно 6 милиони нови случаи секоја година. Ако бремената жена која е заразена не добие ран и ефективен третман, таа потоа може да ја пренесе инфекцијата на нејзиното неродено бебе. Ова е познато како конгенитален сифилис. Преносот на сифилис од мајка на дете, или конгенитален сифилис, обично е погубен за фетусот доколку инфекцијата на мајката не се открие и не се лекува доволно рано во бременоста. Повеќето нетретирани примарни и секундарни инфекции со сифилис во бременоста резултираат со сериозни негативни исходи од бременоста, според СЗО.
Сифилисот првпат бил откриен во 1490-тите и останал значаен медицински проблем до средината на 20 век. Но, како што третманите се подобруваа, случаите со сифилис се намалија. Тие сега се повторно во подем.
Дијагнозите на инфективен сифилис се удвоиле во последната деценија, покажуваат владините податоци од Велика Британија. Имало 8.692 случаи во 2022 година – највисок годишен број пријавени од 1940-тите. Ова се споредува со 7.543 претходната година. Повеќето дијагнози се кај геј, бисексуалци и други мажи кои имаат секс со мажи, но меѓу 2021 и 2022 година има зголемување од 27 отсто кај жените. Ова ги вклучува идните мајки и нивните идни деца.
Сифилисот е една од најчестите сексуално преносливи инфекции на глобално ниво, со приближно 6 милиони нови случаи секоја година. Ако бремената жена која е заразена не добие ран и ефективен третман, таа потоа може да ја пренесе инфекцијата на нејзиното неродено бебе. Ова е познато како конгенитален сифилис. Преносот на сифилис од мајка на дете, или конгенитален сифилис, обично е погубен за фетусот доколку инфекцијата на мајката не се открие и не се лекува доволно рано во бременоста. Повеќето нетретирани примарни и секундарни инфекции со сифилис во бременоста резултираат со сериозни негативни исходи од бременоста, според СЗО
Според Службата за следење на резултатите од интегрираниот скрининг (ISOSS), 906 од 650.000 бремени жени кои биле прегледани во 2020 година биле позитивни на сифилис. Неколку биле со презентација на осип пред давателите на здравствени услуги, но првично не биле дијагностицирани бидејќи тоа не било вклучено во официјалните препораки.
Речиси половина (43 проценти) од пациентите имале потреба од третман пред да се породат. Три од нивните деца биле примени во болница поради конгенитален сифилис.
Сифилисот напредува во четири фази:
- Примарна фаза – помеѓу две до 12 недели по изложувањето (пациентите развиваат безболни рани на гениталиите кои можат сами да зараснат).
- Секундарна фаза – помеѓу еден до шест месеци по примарната фаза (пациентите може да развијат осип со чешање на кожата);
- Латентна фаза (пациентите не покажуваат знаци, но остануваат заразни);
- Терциерна фаза (пациентите може да развијат компликации).
Ако се лекува, симптомите обично исчезнуваат во рок од два месеца.
Но, четвртина од нетретираните пациенти ќе развијат секундарен сифилис, кој обично вклучува осип. Типично, осипите се појавуваат за време на секундарната фаза, која поминува за три до 12 недели. Ризикот од пренесување на сифилис на фетусот е поголем во втората половина од бременоста. Се проценува дека до 40 отсто од бебињата со конгенитален сифилис се раѓаат мртви или умираат во првите четири недели од животот.
Иако е лесен за лекување ако се фати рано (кога симптомите може да се појават како рани, брадавици, осип, опаѓање на косата и главоболки), сифилисот може да направи огромна штета на долг рок. Може да предизвика срцева слабост, напади, потешкотии со меморијата, промени во личноста, слепило и деменција доколку не се лекува, велат експертите, а пренесува британски „Сан“.
