ПОРОДУВАЊЕ: Бабица покажа колку треба да биде отворено грлото на матката за да може да се роди бебето

Бабицата го објаснува процесот со помош на модел на грлото на матката, што предизвика големо внимание и лавина на коментари, кои направија нејзиното видео да стане вирално и да биде прегледано повеќе од 10 милиони пати

За една жена да може да се породи, цервиксот (грлото на матката) мора да се отвори околу 10 см што ќе овозможи бебето да помине низ него. Ова е познато како целосна дилатација, а NHS проценува дека за време на вашето прво породување веројатно ќе ви требаат околу 8 до 12 часа за потполно да се отворите.

Во втората или третата бременост, NHS наведува дека ова може да се случи за 5 часа или помалку.

Сара Прингл, која работи како бабица, откри на Тик Ток, како точно како изгледа целиот тој процес, пишува британски „The Sun“, каде што може да се погледне и видеото.

Видеото започнува со модел на тоа како изгледа грлото на матката пред породувањето – дупката во моделот е затворена. За време на породувањето, грлото на матката се менува од цврсто затворено до целосно отворен излез за бебето.

Како што објаснува Прингл, првата фаза на породување, која вклучува рани контракции, завршува кога грлото на матката (цервиксот) ќе се отвори 10 сантиметри, што им овозможува на жените да преминат во втората фаза и да почнат да напнуваат. Бабицата го објаснува процесот со помош на модел на грлото на матката, што предизвика големо внимание и лавина на коментари, кои направија нејзиното видео да стане вирално и да биде прегледано повеќе од 10 милиони пати.