Ако дома имате шестгодишно дете, подгответе се за особено магични празници. Ново истражување открило дека токму на оваа возраст децата го доживуваат врвот на новогодишното и божиќното возбудување. Анкета спроведена меѓу 2000 возрасни лица покажала дека божиќната магија е најинтензивна кај шестгодишниците – време кога, според родителите, детската имагинација е најжива.
Во оваа возраст децата со голема леснотија почнуваат да создаваат приказни, да измислуваат ликови и светови, што ја прави празничната магија уште посилна. Четвртина од родителите истакнуваат дека исчекувањето кулминира на Бадник, кога нивните малечки облекуваат пижами и оставаат колачиња и моркови за Дедо Мраз и неговите ирваси. Дури 15 проценти од децата, велат родителите, таа вечер тврдоглаво одбиваат да одат на спиење.
Детската радост е заразна
Очигледно, детскиот ентузијазам е заразен: дури 87 проценти од родителите изјавиле дека поради возбудата на своите деца и самите се чувствуваат посвечено. Повеќе од половина признале дека пуштиле солза гледајќи го своето дете како го доживува Божиќ, а седум од десет родители тврдат дека имагинацијата на нивните деца повторно го буди и нивното лично чувство на восхитување во овој период.
Поттикнати од детската радост, 42 проценти од родителите во тоа време создале и нови семејни традиции, а речиси четири од пет сакаат со своите деца да ги повторуваат празничните искуства кои ги паметат од сопственото детство.
Клучните моменти кои придонесуваат за празничната магија кај децата се отворање подароци, китење на новогодишната елка, рано будење на божиќното утро, како и гледање празнични филмови и божиќни светилки на куќите. Високо на листата се и средбата со Дедо Мраз, оставање колачиња за него на Бадник, играње на снег и носење божиќни пижами
Помалку играчки – покреативна игра
Интересни се и резултатите од едно претходно истражување кое може да им даде повод за размислување на родителите. Истражувачите од Универзитетот во Толедо откриле дека помалиот број играчки всушност им овозможува на децата поквалитетно време за игра. Заклучиле дека децата со помалку играчки подолго се фокусираат на една активност и си играат покреативно, што „го поттикнува развојот, имагинацијата и здравото растење“.
Според анкетата, овие се клучните моменти кои придонесуваат за празничната магија кај децата: отворање подароци, китење на новогодишната елка, рано будење на божиќното утро, како и гледање празнични филмови и божиќни светилки на куќите. Високо на листата се и средбата со Дедо Мраз, оставање колачиња за него на Бадник, играње на снег и носење божиќни пижами. Меѓу најомилените активности се и пеење божиќни песни, отворање на „Бадниковата кутија“, одбивање да се легне да се спие, изработка на божиќни украси, следење на ирвасите преку апликации и помагање во завиткување подароци за други, пишува Дејли мејл.
