Секогаш кога се приближува Нова Година, Божиќ, неизбежно почнуваме да размислуваме за подароци. Секоја година си ветуваме дека нема да претеруваме со подароците и дека нашите деца – најчесто така е – ќе имаат сè што им треба и дека не мора да имаат буквално сè.
Тука е и можеби најважната причина – сакаме да ги научиме децата на благодарност. И, секако, тоа не е време за трошење на премногу пари, нели? Некои родители веќе години се водат според правило кое стана вирусно и за кое се зборува сè повеќе – правилото за четири подароци за Божиќ. Еве како функционира:
Децата треба да добијат четири подароци:
- Нешто што го сакаат
- Нешто што им треба
- Нешто за облекување
- Нешто за читање
На англиски звучи подобро, бидејќи се римува, но ќе го прифатиме и вака. Во коментарите на видеа кои зборуваат за ова правило, родителите велеле дека е одлично, а некои се водат по него веќе години. Некои додаваат уште еден подарок – „нешто искуствено“, а други го заменуваат „нешто за читање“ со „нешто за играње“ или „нешто за градење“.
Звучи одлично, нели? Иако многумина родителите забележуваат дека е тешко да се промени навиката, па првата година на дарување според ова правило може да биде предизвикувачка – бидејќи децата се навикнати на поинаков пристап. Но и експертите велат дека навистина се исплати.
„Нешто што го сакаат“ обично е лесно да се погоди, бидејќи често и самите го кажуваат тоа. Кога се работи за „нешто што им треба“, тука може да се размислува надвор од конвенционалното.
„Потребите се работи кои нудат утеха или стабилност“, вели Аркерија Робертсон, лиценциран терапевт. „Тоа може да биде ќебе кое ги загрева или нов прекрив за нивниот омилен цртан лик. Тоа не е само тоа што им треба – тоа им помага да се чувствуваат безбедно.“
Исто така, „нешто за облекување“ може да биде креативно и забавно, а може да биде и зимска јакна. „Нешто за читање“ може да биде книга или дневник кој им овозможува да пишуваат свои приказни. Се работи едноставно за прилагодување на методот на начин кој функционира за вашето семејство.
Не е секогаш лесно децата да прифатат „помирни“ подароци – иако нема ништо помирно во овие четири подароци. Но, важно е да им се објасни смислата и целта на овој план на дарување однапред.
„Можете да им кажете: ‘Сакавме да обезбедиме секој да добие нешто од божиќната листа’“, вели Робертсон. „Тоа им помага да го префокусираат вниманието од количината кон праведноста и размисленоста.“
Правилото за четири подароци може да им помогне да ја променат перспективата за подароците.
„Сите сакаме работи – но тоа што нешто го сакаме не значи дека мораме да го добиеме“, истакнува Робертсон. „Ова ги учи дека радоста не доаѓа од бројот на подароци под елката, туку од вреднувањето на мислите и трудот кој стои зад секој подарок.“
Токму тоа сакаме да им го објасниме и покажеме! Особено во возраста кога веќе знаат дека Дедо Мраз не постои…
