Летниот распуст е веќе при крај, а со него и трпението на оние родители кои сметаат дека нивните деца требале да учат и за време на одморот, за да не го заборават градивото. Дали се во право?
И да и не, порачуваат стручњаците. Повеќето експерти ја бранат теоријата дека всушност е лековито помалку да се заборави училиштето и градивото. Летото служи учениците да одморат, за во новата училишна година да зачекорат свежи. А, играта е вистинскиот избор за релаксација на умот.
Не ги терајте децата да ги учат лекциите однапред или цело време да ги повторуваат веќе научените. Одењето на приватни часови е погрешна метоа, оти така учениците немаат чувство дека се на распуст, па во новата учебна година може да влезат со ментален замор.
Но, ставот на стручњаците е дека е добро децата пред самиот крај на распустот да се потсетат на училиштето.
Обновувањето на основните вештини и знаења – читање, таблица множење, граматика и други важни поглавја, но низ игра и спонтано повторување е мудар начин учениците полека да се свртат кон училиштето.
