Многу предмети што ги користиме во домаќинството може да бидат опасни за нашите деца без да сме свесни за тоа. Иако родителите се трудат максимално да ги заштитат своите малечки, децата се природно љубопитни и сметаат дека сè околу нив е возбудливо.
Важно е да ги преземете сите чекори што можете за да спречите опасност, а некои од предметите во вашиот дом можат да претставуваат ризик.
Еве на кои работи треба да обрнете внимание, а некои сигурно ќе ве изненадат:
- Самостоечки огледала кои можат да се превртат
Децата ги привлекуваат огледала бидејќи им е неверојатно забавно да уживаат во сопствениот одраз. Меѓутоа, ако вашето дете се потпре на огледалото или се удри во него за време на играта, може да дојде до повреда поради кршење на стаклото. Најдобро е огледалата што ги користите да бидат добро прицврстени на ѕид.
- Уреди за исправување на коса
Ако исправувањето на косата е дел од вашата рутина, внимавајте каде го ставате уредот кога ќе завршите. Не заборавајте дека тие обично имаат долги кабли кои лесно може да се повлечат. И ако апаратот не се олади, детето може да се повреди. Ризикот од повреди и изгореници е огромен бидејќи овие уреди понекогаш може да се загреат и до 450 степени.
- Стаклени маси со остри агли
Една од работите што родителите често ја избегнуваат во првите години од животот на бебето се декорации во станот. Одеднаш ќе откриете дека кујнската маса има премногу остри рабови, дека вазната мора да се тргне бидејќи може да ја удри играчка…
Меѓутоа, тоа не е се бидејќи стаклена маса од секаков вид е голема опасност. Таа се покажала дека е високоризичен предмет поврзан со бројни повреди.
- Магнети
Многу мајки гордо ги прикажуваат уметничките дела на своето дете на кујнскиот фрижидер, користејќи магнет како средство за прицврстување. Покрај тоа, повеќето семејства имаат голем број магнети на фрижидерот. Сепак, не сте ни свесни колку тие можат да бидат опасни. Ако децата проголтаат магнет, тоа може да доведе до целосна катастрофа и може да биде потенцијално опасно по живот.
Тргнете ги магнетите додека децата не пораснат, или ако морате да ги користите, изберете големи што не можат лесно да се проголтаат.
- Таблети за перење алишта и садови
Таблетите за машинско перење алишта и садови се покажаа како високо ризични за деца од сите возрасти. Задолжително чувајте ги подалеку од дофат на деца. За многу деца тие изгледаат како слатки бидејќи се шарени, а ако се стават во уста може да бидат и смртоносни. Ставете ги високо и проверете дека не можат да ги дофатат.
