Лекарите во Индија алармираат поради новиот вирус наречен „доматен грип“ кој досега зарази десетици деца.
Инфекцијата е забележана во мај во јужната држава Керала, а се стравува дека е нова варијанта на болеста на рацете, стапалата и устата. Експертите исто така истражуваат дали е последователен ефект на инфекцијата што ја пренесуваат комарците, но не исклучуваат ниту сосема нов патоген.
Досега на 82 деца до пет години им е дијагностицирана „доматна треска“, а уште 26 деца до 10 години се водат како сомнителни случаи.
Инфекцијата го добила своето име затоа што предизвикува „ерупција“ на црвени болни плускавци низ телото на пациентите кои „постепено се зголемуваат до големина на домат“. Повеќето пациенти, исто така, страдаат од висока температура и интензивна болка во зглобовите, а забележани се и замор и дијареја.
Малите деца се исто така склони на оваа инфекција преку употреба на пелени, допирање на нечисти површини, како и ставање работи директно во устата. Со оглед на сличностите со болеста на рацете, стапалата и устата, доколку не се контролира и спречи појавата на „доматен грип“ кај децата, трансмисијата може да доведе до сериозни последици со ширење и кај возрасните
Лекарите велат дека е „многу заразна“ и стравуваат дека може да се прелее кај возрасната популација доколку сегашната епидемија не се стави под контрола.
Ова доаѓа во време кога светот сè уште се бори со пандемијата на Ковид – и во услови на глобална епидемија на мајмунски сипаници.
Пишувајќи во научното списание „The Lancet Respiratory Medicine“, лекарите велат: „Децата имаат зголемен ризик од изложеност на „доматен грип“ бидејќи вирусните инфекции се вообичаени во оваа возрасна група и се шири веројатно преку близок контакт.
„Малите деца се исто така склони на оваа инфекција преку употреба на пелени, допирање на нечисти површини, како и ставање работи директно во устата.
„Со оглед на сличностите со болеста на рацете, стапалата и устата, доколку не се контролира и спречи појавата на „доматен грип“ кај децата, трансмисијата може да доведе до сериозни последици со ширење и кај возрасните.“
Инфекцијата го добила своето име затоа што предизвикува „ерупција“ на црвени болни плускавци низ телото на пациентите кои „постепено се зголемуваат до големина на домат“. Повеќето пациенти, исто така, страдаат од висока температура и интензивна болка во зглобовите, а забележани се и замор и дијареја
Главните симптоми забележани кај децата со доматен грип се слични на оние на чикунгуња – вирусна болест слична на денга која се пренесува преку комарци и е ендемична во делови од Индија.
82-те деца на кои им била дијагностицирана „доматна треска“ биле негативни на тестовите за денга, чикунгуња, вирусот зика, вирусот варичела-зостер и херпес.
Вирусот првпат е забележан во Колам, источна Керала на 6 мај, а последниот случај е пријавен на 26 јули. Потеклото на инфекцијата се уште е нејасно. Иако некои симптоми – треска, замор и болки – се преклопуваат со Ковид, двата вируса не се поврзани
Покрај плускавците, пациентите страдаат и од замор, гадење, повраќање, дијареја, треска, дехидрација, отечени зглобови и болки во телото. Во моментов нема тест или третман за вирусот. Лекарите велат дека сите пациенти треба да бидат изолирани пет до седум дена од почетокот на симптомите и да се одмораат, да пијат многу течности и да земаат парацетамол.
Вирусот првпат бил забележан во Колам, источна Керала на 6 мај, а последниот случај е пријавен на 26 јули. Потеклото на инфекцијата се уште е нејасно. Иако некои симптоми – треска, замор и болки – се преклопуваат со Ковид, двата вируса не се поврзани.
Лекарите веруваат дека вирусот може да биде нова варијанта на болеста на рацете, стапалата и устата – честа инфекција која главно ги погодува малите деца и имунокомпромитираните возрасни лица. Сепак, тие забележаа дека симптомите исто така може да бидат нов „афтер-ефект“ на денга треска или чикунгуња што се случува неколку дена откако телото ќе ги отстрани тие инфекции. (Дејли мејл)
