Детството е период во кој се формираат фундаменталните уверувања за себе и за светот. Иако родителите често се трудат да им обезбедат посебни моменти на своите деца, вистинската емоционална сигурност не доаѓа од големи случувања, туку од секојдневните интеракции исполнети со љубов, внимание и поддршка.
Малите гестови, зборовите на прифаќање и чувството на сигурност оставаат длабоко и трајно влијание врз самодовербата и емоционалниот развој на детето. За ова зборува и психологот Џејми Блох, која споделува десет работи кои децата засекогаш ќе ги паметат.
- Кога сте биле присутни за нив
- Мали гестови на љубов
- Кога сте покажале интерес за нив
- Моменти кога се чувствувале сигурно
- Кога сте ги научиле на нешто ново
- Кога сте ја препознале нивната храброст
- Прифаќање и поттикнување на нивната уникатност
- Кога сте го прилагодиле вашето време за нив
- Долги, утешни прегратки
- Кога сте им кажале колку сте благодарни што ги имате.
„Како детски психолог, често размислувам за трајното влијание што го имаме врз нашите деца. Не се големите моменти, туку малите, секојдневни интеракции кои го обликуваат нивното чувство за самопочит. Начинот на кој ги слушаме, начинот на кој им покажуваме љубов и начинот на кој ги потврдуваме нивните чувства има долготраен ефект“, рече Блох во објавата. Таа додава дека децата кои се чувствуваат безбедно и сакани стануваат деца кои развиваат самодоверба, внатрешна сила и издржливост.
“Запомнете, не е важно само она што го правиме, туку и како децата се чувствуваат за тоа – затоа што токму тоа чувство ќе го носат со себе целиот свој живот. Да создадеме спомени кои ја зајакнуваат довербата, љубовта и врската”, заклучил психологот.
