Пост на социјалните мрежи на Дејвид Бринкли, татко од Оклахома, со кој и оддава признание на неговата жена, брзо наиде на осуди од сите страни.
Фотографијата на неговата жена Алор и нивните деца неше искрена и реална. Таа прикажува мајка како се гали во ист кревет со децата. Бринкли на фотографијата напишал “Мојата жена е оној тип на жена која е ваш најдобар пријател“.
Потоа, продолжил да раскажува како пријателка ја прашала неговата сопруга Алор дали Дејвид мрази што таа спие заедно со децата и додава:
“Јас не мразам ниту еден дел од она што ја прави мојата жена мајка каква што е. Никогаш не би го деградирал или занемарил она што таа сака да го прави со нашите деца. Дали некогаш морам да се пикнам во мал дел од креветот? Да, но Боже мој, колку е убаво да ја гледам додека ги држи моите деца. Што тие поради тоа ќе се чувствуваат сакано и безбедно. Работата е во тоа што нашите жени само накусо имаат можност да ги искусат тие мали моменти на мајчинство. Тие ги носат нашите бебиња, тие ги раѓаат, тие ги негуваат и можеби, додека се се уште мали, им дозволуваат да се прикрадат во нашите кревети и да се галат и гушкаат. Меѓутоа, на крајот нашите бебиња растат и стануваат “премногу кул“ за галење, па зошто ние како луѓе би сакале да им ја украдеме таа една секудна од тоа време со нив? Мајчинството е дел од нивниот идентитет и што значи да се откажеш две или три години, наспроти децении живот што ќе го минеме заедно?„
Иако изнанедувачките зборови на поддршка на овој татко биле наменети да ја слави неговата жена, за жал, набрзо уследиле негативни коментари. Еве дел од нив:
- “Тоа е опасно за детето. Децата треба да спијат сами, на грб, во креветче“.
- “Како може да се гушнете со вашиот сопруг или да бидете интимна со него, ако детето секогаш спие со вас? Негувањето на бракот е исто така многу важно. Балансирајте го вашиот живот.“
- “Ми се допаѓа што ги сакате вашите жена и деца и јасно е дека е така. Но, јас работа во социјална служба во единица која се занимава со смртност кај децата и многу е опасно да се спие со бебе на возраст од една година и помало. Практикувајте безбедно спиење.“
Но, важно е да се напомене дека повеќето коментари биле полни со зборови на пофалба. Многу луѓе признале дека и во нивните домови чести се практикува заедничко спиење.
На крајот, се согласувате ли со оваа пракса на семејството Бринкли или не, на осудувањата треба да се стави крај бидејќи и онака не ги знаеме точните околности на оваа фотографија. Дали мајката навистина спиела или можеби за момент ги затворила очите? И не заборавајте, таткото е буден во собата. Но, дури и да не е, постои ли исцрпена мајка која не се нашла во ваква ситуација, планирано или непланирано?
“Предностите и мааните на заедничкото спиење не требаше да бидат во фокусот на оваа објава на мојот сопруг, туку искажување на љубов и поддршка за мене!“, коментирала мајката Алор.
