Овошјето и зеленчукот може да бидат прва храна за вашето бебе. Изборот со кој вид намирници ќе почнете, најчесто е условен и со сезоната – тешко дека во март ќе најдете свежи кајсии или праски. За почеток се препорачува јаболко, круша, морков, компир, тиквица, тиква…
Постојат разни комбинации на оброци кои зависат од креативноста на мајката како и изборот на достапни намирници.
Утрински подој (околу 7 часот)
Појадок (околу 8:30 часот) – житарки (ориз, пченка) сами или во комбинација со овошје ( да се подготви со вода). Доколку е потребно, може и подој по појадокот.
Ужина (околу 11:30) – овошје. Ручек (околу 13 часот) – зеленчук, а потоа зеленчук и месо.
Попладневен подој ( околу 16 часот). На возраст од околу осум месеци во ова време може да биде и втората овошна ужина.
Вечера (околу 18 часот) – житарки подготвени со млеко (полесно за варење во текот на ноќта)
Вечерен подој ( околу 20 часот)
