♦♦♦♦♦♦♦
Научниците од Универзитетот Кембриџ објавија во журналот „Cell“ дека откриле редок ген кој на некои жени или поточно на една од сто им овозможува да не чувствуваат никаква болка за време на породувањето, пишува британски „The Sun“.
Д-р Еван Сент Џон Смит, еден од авторите на истражувањето, изјави: „Генот што го најдовме кај жените кои чувствуваат помала или скоро никаква болка за време на породувањето е всушност „дефект“ кој влијае на нервите, нешто како природна епидурална анестезија. За да се „вклучат“ нервите за болка потребна е огромна, силна, моќна болка“.
Научниците откриле редок ген кој на некои жени или поточно на една од сто им овозможува да не чувствуваат никаква болка за време на породувањето
Уште еден од авторите на истражувањето, д-р Мајкл Ли, истакна дека проучувале група на жени кои го родиле своето прво дете без да побараат никакво олеснување за болките. Тие имале поголема толеранција на топлина, студ и притисок. „Навистина е необично кога жените не бараат никакво олеснување, малку кислород, епидурална или нешто друго додека раѓаат, особено кога тоа им е првпат. Беше очигледно дека оваа група на жени има повисок праг на болка“.
Тимот открил генетски код, KCNG4, кој, како што го опишуваат, служи како „врата“ и ги контролира сигналите кои се испраќаат до мозокот поврзани со болката. Потребна е многу силна болка за таа „врата“ да се отвори и жената да ја почувствува болката, но онаа болка која се чувствува за време на породувањето не е доволно силна за тоа.
